1. çarşema reş; roja çarşema hefteya dawîn a meha sibatê (rûmî) ye. Wê rojê pîrê (caziyet an keça şeytan)

diçe mala bavê xwe û hefteyekê şûn de vedigere. Di vê hefteya şûm û bêoxir de (26ê sibatê - 5ê adarê) tawî û bawî diçin ser ziyaretan, pora serî tê qusandin (jê re zîp kirin dibêjin), tiştên kevn tên avêtin, bi hêviya ku êş û elam û dijwarî bi wan re bên avêtin. Di çarşema destpêka vê heftê û di ya dawiya heftê de cejn û şahî tê kirin. Wan çarşeman kes xwe naşû, berav nakin, nan napêjin, neynokên xwe nabirin.