40. gava dî dema min peyama wî ya li jêr mijara îtîrafên tirşikvanan de xwend, meseleyek hat bîra min, dibêjin rojekî zilamek pîr emrê xwudê dike, piştî defn dikin, xelk tên teezî, di teeziyê de herkes behsa zilamê pîr dike, kurê zilêm jî radihêjê peyvê dibêje ''rehma xwudê lê be, bavê min heştî sal emr kir, rojek ji rojên xwudê evdekê xwudê jê neêşiha'' axirê ji nav civata teeziyê yek radibe dibêje ''birazî dilê xwe negire lê kêr bikute qûna wî ku heştî sal emr kiribe û kes jê neêşihabe'' yanî kesekî jê gazindek nekiribe..

tu çi qasî li ser heqiyê bî, tu çi qasî rastgo û rastbêj bî, ew qasî wê xelk ji te aciz bibin, gilî û gazindan ji te bikin, ji te biêşin, ji ber ku meyla xelkê li ser xirabiyê ye, û li cem kêm kesan sîstema kontrola xirabiyê heye, lê tu li gorî şert û mercan, qalikê xwe û gotinên xwe û sekn û helwesta xwe biguherînî hingî tu wê bibî şirîn û ezîzê li ber dilê xelkê, hingî kes ji te naêşe, hingî herkes wê hej te bike, û pesn û wesfên te bide..