1. dermanek ji bo anestezîya heremî ye li cihê ku lê were zerqkirin, êş û hîskirinê tune dike. ev bandora wê di nava çend deqeyan de destpê dike û heta 2-3 saetan didome.
ev made her wiha antîarîtmîk e jî. yanî ji bo rastkirina rîtma xirabûyî ya kutan dil jî tê biakaranîn.

piranî di kirinên cerrahî yên biçûk de ev derman tê bikaranîn. erzan e û bandorên wê yên nayê xwestin, hindik in. ji bo ku îhtîmala van bandorên neyînî were kêmkirin, bi adrenalînê re jî dikare were bikaranîn. wê demê adrenalîn demarên wê derdorê teng dike, bi vî awayî him lîdokaîn zêdetir dimîne li wê heremê û bandora wê demek dirêjtir didome, him jî bandorên neyînî kêm dibin.

ji xeynî van, di anestezîya blok de jî tê bikaranîn. di vê rêbazê de rehikek (nerve-sînîr) bi vê madeyê tê blokkirin yanî astengkirin û wê demê hemû beşa mirovî ku ev rehik jê berpirsîyar e, him bêrih dibe him jî êşê nabihîse.

her çiqas dermanek gelek bastî û berbilav be jî, mîna hemû dermanan îhtîmala wê ya kuştinê jî heye. gelek gelek hindik e lê dikare.

cara ewil di sala 1946an de ji aliyê nils lofgren ve hatîye kifşkirin.