1. Di tibêde ji bo rewşa di gaytayêde hebuna xwîna sor tê bikar anîn. Nîşaneya xwînî buna ji roviyan e. Carna xwînî bunên ji hemoroîdê ango bawesîrê bi vê rewşê tê tevlîhev kirin. Carna nîşaneya nexweşiyên wek polîp an jî kansera roviyan e.

Di xwînî bunên ji jorde xwîn ne sor e û rengê gaytayê reş buye; ji vê rewşê re melena tê gotin.

2. yek ji nîşaneyên xwînîbûnên sîstema gastroîntestînalê ye. li gorî çavkaniya xwînê, du cûre ye.

1- xwînîbûna ji beşa jor ya sîstema gastroîntestînalê ye.

Di vir de, ozofagus(lûleya xwarinê ya ji dev heta ûr), ûr an jî beşa ewil ya roviyên zirav (duodenum, yanî 15-20 cmyên ewil yên roviyan) çavkaniya xwînê ye.



2- xwînîbûna ji beşa jêr ya sîstema gastroîntestînalê ye.

di vir de çavkanîya xwînê, beşê din ya roviyên zirav (jejenum û îleum) an jî roviyên stûr (kolon, rektum, anûs) e.



hematokezî an jî hematokezya, piranî nîşaneya xwînîbûna ji beşa jêrîn e. lê ger xwînîbûn ji jor be lê herka wê gelek zêde be yanî xwînîbûnek gelek cîdî be, ji ber zêdebûna mîxtara xwînê heye ku bêyî ku were guherî û bibe reş, xwîn dikare ji anûsê bi rengê sor jî derkeve.

yanî hematokezya piranî di xwînîbûna jêrîn de tê dîtin lê carina di xwînîbûna beşa jorîn de jî tê fîtin.