2. heta niha ez sê ziman, kurdî û îngilîzkî jî tê de, xwe bi xwe hîn bûm. ji ber ku min vê mijarê dît min xwest çend tiştan binivîsim ji bo ku xwendevanên kurdî jî jê sûdê werbigrin.

pêşniyara min a sereke ji bo jiberkirina peyvan e. tu carî vê xeletiyê nekin. jiberkirina peyvan di destpêkê de tê bîra her kesî lê qet fêdeya wê tune ye. şûna wê ji xwe ra metnekî bibînin û heman metnî ji bo heft rojan bixwînin. heman demê de peyvên ku hûn nizanin çi bin hemûyan derxînin û wateyên wan li ser wî kaxizî an jî li derekî din binivîsin. eger hûn heman metnî her roj herî kêm 2-3 caran bixwînin piştî heft rojan hûn ê bibînin ku hem kontekst tê fahmkirin hem jî peyvên ku hûn bi vî rêbazî hîn dibin zû bi zû ji bîra we naçe.

ya 2'an ji bo guhdarîkirinê ye. ji xwe ra podcastekî bibînin û dîsa herî kêm bo 7 rojan wê podcastê guhdarî bikin. bi demê re hûn ê bibînin ku hem fahmkirina wî hêsantir dibe hem jî peyvên ku di wê podcastê de tên gotin di zûtirîn demê de tên elimandin. dû re hûn dikarin derbasî beşeka din bibin.

ya 3'an ji bo xwendinê ye. hûn çiqasî bixwînin ewqas hêsantir dibe fêrbûna rêziman û qaliban. ji xeynî wî, gava meriv tiştekî bixwîne meriv zorê dide mêjiyê xwe ji bo ku bêhtir bi wî zimanî bifikire.

ya 4'an ji bo nivîsandinê ye. ger ji we tê her roj tiştekî binivîsin. eger kesekî ku dikare kontrol bike hebe jê ra bişînin û di ser xeletiyên xwe ra biçin. ger hûn karibin ji xwe ra penpalekî peyda bikin wê gelekî baş bibe.

ev pêşniyarên min ne tenê ji bo îngilîzkî ye. hûn dikarin ji bo hemû zimanan heman metodan bi kar bînin.