10. ew kampanyaya ku bîskeke berê li televîzyonê jî lîqayî wê hatim û tiştekî bala min kişand..

di nava vîdeoyê de gelek kes hene ku diaxifin, lê kesên ku bi tirkî diaxifin (du keçikên xweşik) bi awayekî ji awayan bi cil û bergên xwe û bi tarza xwe modela îdeal ên nûjeniyê ne!

yanê çendîn qebul nekin û çi eleqa bêjin jî, ev yek ji derûniya bindestiyê tê..

yanê di videoyê de tê gotin ku zimanê tirkî sembola modernîzmê ye, kesên modern û xwende bi vî zimanî dipeyivin lê kesên temendirêj û nexwenda û nemodern jî bi kurdî dipeyivin..

ne şaş bim du zarok hene bi kurdî dipeyivin lê, te dît edet e, di wî çaxî de kurd jixwe bi pirranî kurdî dipeyivin..

wek encam şarederî jî bêhemdê xwe(!) dibêje ku tirkbûn sembolê modernîteyê ye û keçikên xweşik û xwende bi tirkî dijîn..

yanê şarederî di reklam û kampanyayan de jî nikare vî zimanî bike bajarî

2. helmet û projeyeke baş e, lê wê çiqasî kêrhatî be, nediyar e..

rast e gelê kurd di vî warî de miaxabin hebekî sersar e, xema qûna wan nîn e.

jixwe ji dêrûdorên bircên amedê bêhna gû û rêxê difûre, mariv nikare nêzî wan deran be..

ez însanên xwe fêm nakim ku mariv çawa dikare nava mala xwe qirêj bike, hin hevalên min jî weha li bajarê xwe dikin, dema dibêjim kuro eyb e, şerm e weha li me nekin, bi mejiyên xwe yên piçûk tinaz û henekên xwe dikin..

ne tenê li amedê, li her dever û bajarên kurdistanê û bajar û devrên ku kurd lê dijîn, bi vî awayî qirêj e, ez tirkan dibînim ku qet çopa di destê xwe navêjin erdê, tim û daîm paqij in..

dema mariv daw'a welatparêziyê bike divê raman û tevgerên marivî jî li hev were, nakok nebe, bila nekeve di paradoksê re, ma kuro her tişt li aliyekî, ma qet hefya we li wan xizmetkar û kedkarên jin û mêrên kurd ên ku ji siharê heya nivê şevê potax û sergo û qirêjiyên we yên li sikak û kolan û pêyarêyan paqij dikin dîsa jî nagihîjin qilêriya we, nayê?

divê hebekî wijdan hebe, hebekî tirsa xwudê hebe, hebekî hejêkirina welêt û bajêr hebe, hebekî dilovanî hebe, hebekî însaniyet hebe di dilê mariv de..

kesên ku bajarên kurdistanê qirêj dikin û eziyet didin kedkarên xwe, ne dikarin bibin welatparêz ne dikarin bibin însan..

he bêje he bejê tû di devê me de neman lê hezar heyf û mixabin ku em hê jî nepijiyane, tênegihîştine, ne zaro ne xama ne nûciwan ne navsere û ne jî kalik û extiyarên me...

zilam çil pêncî sal emrê wî ye dikare bêî şerm û fedî di nava qelabalixiya bajêr de balxema xwe bi xirxira qirikê xwe paqij bike û berra zikê bajêr bide..

de tu rabe ji wan kesan re qala azadiyê û qala ekolojiyê û qala giringiya xwezayê bike..