1. pirtûka nû ya helbestan a Selîm Temo ye. piştî sê deng'ê ev pirtûka helbestan derxist. pirtûk ji weşanên darayê hate çapkirin. 80 rûpel e.
her wiha pûnga li bajêr navê helbesteke Selîm Temo ye ku navê xwe daye pirtûkê.
Hûn dikarin helbestê jî vir guhdar bikin:
vîdyoyê veke
Pûnga Li Bajêr
agir diçe ji hingivê şevê
sitar e di nivişta şêxekî kotî da
ez kirim pûnga li bajêr
li ber kelebestên sedsalê
Gulan rojek e li baxçeyê min
tazî ye mîna siya Payîzê
gava diçûrise mij li dor dengê wê
şareza me wek kundê bestê
her xwîna xwe dimijim
va diçim şerabeka dî dixwazim
ji kîsê meytekî serşor
rawestî li ber deriyê hebûnê
diçe li nav konê şînê kon vedide
wa xwediyê gemar û kevzê
li min negre
ne ez bûm
ê li çola demê
Penelopeyê heft mêr kirin
heya vegeriyam malê
keştiya min ji bayê bû
etlasa min bi xeyalan nepixî
toqek ji le’neta pelgan
her ji xwe ra dimam piştî her mazatê
ti kes li çavên min nanêre
li pêçiyên min napirse
diheje heyvek li
nîvê çalê
ti kesî ez aş nekirim
gava dişewitîm di
landika şînê da
li derve li derve li derve me
Selîm Temo
çavkanî: Here lînkê