Tirşik - Profîl
tirşik-profîla ferhenga şikestî

profîla "ferhenga şikestî"


Peyamên nivîskar yên di vê mijara [bîra rûyê min] de;

1. navê pirtûka helbestan a metin kaygalak e.. (bnr: yüzümdeki kuyu)

şairê rehmetî yî dost çiyayî evê pirtûkê wergerandiye kurdî..

ristên pirr xweş hene têde..

ezê beşek jê parve bikim..





"...Kesî nedît. Kesî nedît rûyê min î ku diket bîrekê.

Di wê arezûya dawî de her kesî

ku milên xwe bi kulîlkên maran vedikirin û ji bîr dikirin

xwe di xwe de, di wê kelama dawî de.

Zimanê te ku hatibû şûştin di avên êşê de,

her tişt ku hatibû şewitandin, her tişt û dilê te.

Wextên, her tişt bi nefsekê çêdibû min ji bîr kiribûn,

her tişt ku bi xewne-korekê dest pê dikir û diqedîya

Her tişt...



Kes tênagihêjê

Ax, her tişt payîzek lê ye...

....

Dikarim li serî vegerim: li xulqîyetê.

Dikarim dev ji hemû xeyalên dinê berdim

Û ji tarîyan dikarim derxînim şopekê.

Min hemû dîwanên Xweda xwendin, ên ku bi evdên xwe dabû gotinê.

...kî huş bibe ez digirîm.

digirîm li ser her kesî û li xwe.

Di yek derîyî re

ku derbas bibim bes e, ji min re. Hew yek derî

Li kê vebe.



Ax, min dikurrisîne korê di nava min de...

...

Yek li min zîvirî û got:

Ji melekên Xweda hêvîya tu tiştî meke.

Ji melekên Xweda hêvîya tu tiştî meke.

Her kes vedigere,



ax, li tenêtîya xwe."



10.11.2015 19:47 ~19:47 | ferhenga şikestî