Tirşik - Profîl
tirşik-profîla seydayê_peyvan

profîla "seydayê_peyvan"


Peyamên nivîskar yên di vê mijara [konstantînos kavafîs] de;

6. BAJAR



Te go: “Ez ê biçim deverekî dî, biçim zeryayeke dî

Ji vî çêtir dê her were dîtin bajarekî dî.

Her hewldanên min neçarîyeke li min hatiye nivîsin

û dilê min – weke miriyan- li bin axê ye.

Hêşê min heta kengî di nav vê rizandinê de bimîne.

Çavê min hema li ku bikeve û li ku binêrim

Xerabeyên umrê xwe ên reş li vir dibînim,

ku min ewqas sal borandine û xerabûme û rizîme.”



Tu ê welatên dî peyda nakî, peyda nakî zeryayên dî

Ê bajar tim li pey te bê. Tu ê li heman kûçe û rêyan

hê bigerî. Û li heman taxan tu ê kal bibî

û li heman malan porê te ê bibe spî.

Her tim tu ê bigihî vî bajarî. Ji bo deverên dî–qet hêviyan neke-

Bo te keştî tune û rê tune.

Weke ku te jiyana xwe li vir rizandiye

li vê quncika biçûk, li ser vê axê te ew jî wisa wêran kiriye



[23, 1910]



Ji Yewnanî: Mîrza Baran



17.06.2014 23:52 | seydayê_peyvan