30. Tirşik zarokeke 7 salî ye ku hêdî hêdî digihêje û kamil dibe. Ji bo ev zarok balix bibe piştre bibe ciwanekî nestêle û dawiyê jî bibe yextiyarek zana divê li gor armancên tirşikê û rêzikên wê were tevgerandin. Gelek armancên tirşikê hene, herwiha dibe ku armancên tirşikvana jî hebe lê belê tirşik, li ser çend heb armancên bingehîn hatiye saz kirin. çend armancên tirşikê, bi qasî ku min ji nivîsên hoste simurg56 û nivîskarên damezrîner fêm kiriye ev in.

- Yek ji armancên tirşikê ew e ku bibe ansîklopediyek bi temamî kurdî.

-Armancek din jî ew e, ji kurdînûsa re bibe cihekî sepan kirinê, ji bo pratîk û pêşxistina kurdî.

- ji bo zimanê kurdî bibe ferhengek gewre, heya ku peyvên heremî, pîşeyî, nifir, hwd. Ku di ferhengên wekî din de peyde nabin jî hemuyan li xwe tomar bike.

-ji bo kurd û kurdîheza re bibe çavkaniyek kurdî ku kesên kurdînûs karibin lêkolînên xwe bi kurdî bikin.

-bibe arşîv bo stranên kurdî û fîlmên li kurdî hatine wergerandin.

Ev armanc hîn bêhtir dikarin werin zêde kirin lê niha ev hatin bîra min. Lê wekî ku diyar e bi nivîsen 2- 3 riste û yên tu agahî an jî rave kirin nahewîne ev armanc pêk nayên.an go nivîsên ku bêyî ked û armanc, hew tenê no nivîsandinê hatine nivîsarê tu kêrhatinekê nade van armancan.
Ji ber vê yekê divê tirşik weke tora civakî neyê bikar anîn. Nivîsên bê agahî, rave, zanyarî neyên nivîsarê û ji xwe tirolî divê qet neyê kirin. Ji hêla rastnivîsê de jî hay jê hebin dê baştir be. Ji ber hemû kurd an jî nifşên li pey me bên ji nivîsan fêm bikin.

Nîşe: min ji kesî re negot te gû xistiye tirşikê, min bi zimanekî xweş hişyar kir û rê biber wî xist.