7. Kesê ku ji aliye nijadperestên tirk ve hatiye kuştin. Di derbarê wî de gelek bûyerên ciyawaz tê gotin. Heya wezareta hundirîn jî daxuyaniyek weşand lê ya ku min ewil bihîst, digot ji ber stranê kurdî guhdar kiriye ji aliyê 3 çeteyê tirk an qereçiyê enqera ve hatiye kuştin.

Ê de ka kî dikare ji min re behsa biratiya van dagirker û hova bike. Ew me naxwazin, tehamûla wan ji me û zimanê me re tuneye. Îmana wan ji me diçe. Sebra wan li me nayê. Em jî ne nexweşê wan in. Ez çav li wan dikim qapaxa serê min diavêje. Îja siyasetmedar û partiyên me yê qaşo kurd, bi dûv wan ketine dê me bi zorê bikin birak.

Hama piştî bûyerê bi vî rengî hêrsa min ya li hember wan bêhtir dibe. Çiqas ew ji me û zimanê me aciz in, ez jî dû qat sê qat ji wan û zimanê wan aciz im. Niha di bihîstok û kombersa min de yek stranê tirkî jî tune ye. Û ev çend sale min stranê wan jî guhdar nekiriye. Yanê ji guhdarkirinê qesta min, min bi xwe venekiriye û li amûrên xwe bar nekiriye. Lê çi bivênevê li derdora mirov lê dide mirov carna mecbûrî guhdar dike.

Xwezî me jî nehiştana kesek li welatê me bi tirkî baxive û stranê tirkî veke. Lê hingî me go xwezî, zimanê me tevizî.