1. çîrokeke hebkî seyr û bêedeb a ji asûsê ye. meseleya jineke bi navê reşê û mêrê wê yê şînoyî vedibêje. di serî de çîrok wer balkêş diherikî min nezanî wê çawa berdewam ke loma hêviya min lê bilind bû ha bilind bû. wer tesîr li hişê'm kir, çavên min vebûn. tevî ku asoya nêrîna min ji ber kelecanê berfireh dikir, ji pêla efsûna meseleyê ez xistim ciheke bi mij û dûman ku pir tişt nîvçe xuya ne. ên nexuya tu bêçar ji mêjiyê xwe temam dikî. ber bi dawiya meseleyê ve pêla efsûnê hebkî daket. nivîskar bi rastî ecêb dinivîse. bes min heya aniha fîlm û çîrokên biyanî ên festîvalan şopand. êdî fîlm û çîrokên kurdî hîn bêhtir didim ber xwe.

pasajeke ji çîrokê a kêfa min jê re hat: ... wê demê, gelek mêrên navçeyê ji bo ku xwe lingekî zûtir bigihînin ber deriyê wê û di rêza pêşî de nebe jî, di dorên li dû de cih bigirin, çawa ku kevçî ji devê wan diket cixareya pişt şîvê pê dixistin û dûyê wê yê dawî li ber mala wê berdidan. ...