1. bernameyeke trt 6ê ye.

duh rastî wê hatim û min hinek temaşe kir. li ser înternetê di derbarê de zêde agahî tune. loma nizanim ka bernameyek domdar e an tenê ji bo carekê hatibû çêkirin.

konsepta bernameyê ev e: çîrokek dîrokî ya kurdan ji aliyê gelek kesan ve parçe parçe tê gotin. kesên çîrokê dibêjin piranî ji nav xelkê hatine hilbijartin û hema bêje her yekê li derdora xwe hinekan berhev kiriye û çîrokê ji wan re dibêje. paşê derbasî sahneyek din dibe û kesen din, ji kesên din re berdewamiya çîrokê dibêje. fikrek baş e. hinek vebêjên çîrokan, gelek xweş qise dikirin. di vê beşê de çîroka feqiyê teyran dihat gotin. û dîmenên heskifê dihat nîşandan. jixwe çîrok jî ji aliyê biştecihên heskifê dihat gotin.

dîmenên heskifê gelek xweş bûn û orjînal bûn. min li derek din nedîtibûn. îhtîmalek mezin ji bo bernameyê hatibûn kişandin.

piştî bernameyê navê ajansa simurg derket ku digot ji aliyê wan ve ji bo trt 6ê hatiye kişandin.

min li ser înternetê facebooka ajansa simurg dît (belkî jî ne ew bin lê), ji hesabê wan tê dîtin ku bi kamerayên li ser abeyan dîmenan dikişînin.

Here lînkê