5. min darî fîlmên wî yên bi navê "Shirin"(şêrîn), "Bad ma ra khahad bord "(ba wê me bibe), "Ta'm e guilass "(çêja gilyazê), "Khaneye doust kodjast? "(mala hevalê min li ku der e) kiribû û min fîlmên wî yên weke "Zire darakhatan zeyton "(li binê darên zeytûnan), "Zendegi va digar hich "(jiyan û tu tişt) an jî ( jiyan û tiştên din) nîvî temaşe kiribû. ez dikarim serî de bêjim ku nurî bilge ceylan di fîlmê xwe de bi temamî ekola vî derhênerê bi kar tîne. kiarostami ji tiştên basîtê li ber çavan ku mirov jê hay nabe jiyanên mezin rapêşî meriv dike. di piraniya filmê wî de dem nêzê beratiyê(realîte) ye. bi taybetî jî di fîlmê wî "bad ma ra khahad bord " de hima bêje dema ku di fîlm de dibore û dema bera(real) weke hev e. tiştekî dinê ku bala min kişandiye ew e ku di fîlmên kiarostami de hebûna kesayetên kurd û sempatîkbûna wan e. derhêner vê yekê bi zanebûn dike lê ez nizanim têkiliya wî ya kurd û kurdîtiyê çi ye? bi taybetî jî di fîlmê "ba wê me bibe" û di fîlmê "çêja gilyazê" de...