1. xwelî li seriya kurdan e.şûna propagandayên yekitiyê bikin ketine rika hevdu lê disa ji li gorî min rûdaw ji anf ê bi insaftirrê.



1-anf dibeje;

Şerê di navbera şervanên YPG'ê û çeteyên DAIŞ'ê de bi dijwarî berdewam dike. YPG’ê li Rebîa bi pêş ve çû.



Piştî ku serê sibehê êrîşa giran a çeteyên DAIŞ'ê ji aliyê şervanên YPG'ê ve hate şikandin êrîşên bi topên hawanan û doçkayan zêde bûn. Berpirsyarê YPG'ê yê li Rebîa da zanîn ku berî nîv saetê çend mewziyên çeteyên DAIŞ'ê ketine destên YPG'ê û hêzên YPG’ê pêş ve diçin. Li ser pêşveçûna şervanên YPG'ê, çeteyên DAIŞ'ê neçar man xwe vekişînin. Di şerê ku ji duh êvarî de şer bi dijwarî berdewam dike de derbarê kuştî û birîndaran de agahiyên zelal nehatin bidestxistin.



Her wiha li aliyekî din hate ragihandin ku beriya nêzî 20 deqeyan li gundê Tawîs hêzên Pêşmerge li gel şervanên YPG’ê li hemberî DAIŞ’ê şer dikin. Hêjayî gotin ye, gundê Tawîs dikeve hemberî gundê Siwêdiyê yê Rojavayê Kurdistanê ku şêniyên wê Ereb in û 17 km ji bajarokê Rebîa dûr e.



2- rûdaw dibeje;



Şingal (Rûdaw)- Hêzên Pêşmerge ji sê aliyan ve bajarokê Şingalê girtine û çekdarên DAÎŞê jî di nava malan de şer dikin.



Peyamnêrê Tora Medyayî ya Rûdawê li bajarokê Şingalê ragihand ku, hêzeke mezin ji Pêşmerge derdora bajarokê Şingalê ji sê aliyan ve dorpêç kiriye, çekdarên DAÎŞê çûne nav malên li navenda Şingalê û li wê de şer dikin.



Fermandarekî Pêşmergeyên Zêrevanî li eniya şer bi rêya telefonê re ji Tora Medyayî ya Rûdawê re got: “Pêşmerge niha di pêşengiyê de ne ber bi bajarokê Şingalê ve. Leşkerên taybet ê Gulan bi çekên giran li pêşe di êrîşa Hêzên Pêşmerge li ser çekdarên DAÎŞê li Şingalê.”



Ji aliyek di ne fermandarekî Yekîneyên Parastina Gel (YPG) ji Rebîe bo Rûdawê ragihand ku, hêzên wan li Şingal û Rebîe mil bi mil ligel Pêşmerge şer dikin bo girtina bajarokê Rebîe yê li ser sînorê navdewletî yê Sûriyê û bajarokê Şingalê.



Herwiha li gor zaniyariyên Tora Medyayî ya Rûdawê, li gundê Wankê yê ser bi bajarokê Til Kêf ve, niha Pêşmerge di pêşengiyê de ne.