6. navê stand-up komedîya erdal kayayî ye. du sal e pê dilîze, henek û qerfên xwe bajar bi bajar digerîne, xelkê me dikenîne. xwedê jê razî. sê-çar meh berê ez jî çûm bi çend kesên der û dorê min da. bi du-sê sed kesan salon tije bûbû.

min baş kir ez çûm. kêfa min ji stand-up a wî re hat. jixwe ez gelek jê hez dikim jiber rolên wî yên di rêzefîlman de dilîst. (bnr: îşev) lê ez li bendê bûm hinekî din serkeftî bûya. dibêm qey pir li ser vê cureya komediyê hûr nebûye. serê xwe bi stand-upê têr neêşandiye. henek û qiseyên xwe vedigot wekî ku ji hevalan re qal bike. bavê min û kesên ji min mezintir pir keniyan. ya rast salon tev heya dawiyê keniyan. Erdal kaya jî hem digot hem dikeniya, zêde dikeniya : ) bi min, gava ez didim ber hev, lîstikvaniya wî ji karê wî yê stand-upê çêtir e. di rêzefîlman de hinekî din komîk e. tu li bîneran meyze bikî ku gelek çepikan jî lê dan, divê heqê wî bidî û bibêjî ku erdal kaya li ser stand-upê pir biserketî ye. welle heval te bidîta te yê bigota qey li kurdistanê stand-upçîyek wek wî tune ye.