10. serhildan ;) we çi nivîsî çi dest bi serhildanan kir?! nivîskarên ji bêxîretiyê nikarin hînê çendek qural û qaîdeyan bibin cih de dest bi rexneyên pûç û vala kirine.
peyama wek sebeb tê nîşan ku dilê nivîskarekê hiştiye de bi min tu neheqî û heqaret nîne. zilam kêm gotiye ne zêde û ez jî di heman fikrê de me. bi rastî jî ev demek e gellek peyam çi ji aliyê naverokê çi ji aliyê rastnivîsa kurdî ve bi kêrî serê pîvazekê nayên, hema bêje wek sergoyekî ne. lê ser vî halê re jî kesek nikare tu şîretê li yekî bike. yên xwedî qisûr û kêmasî cihê ku xwe rast bikin an hewl bidin meselê fahm bikin cih de moz dikin, xwe dixeyîdînin û dev davêjin nivîskarên çê. û wekî ku hemû mesele lihevnekirina nivîskarên kevn û yên nû ne didin nîşan. lê nexêr, ne wisa ye.
gellek nivîskarên nû yên jêhatî hene ku mirov bi kêfekê peyamên wan dixwîne an peyamên wan bala te nekişîne jî ne vik û vala ne, bi hiş û aqilekî hatine nivîsîn. rexneya tê kirin hew ji bo wan kesan e ku tiştekê li xwe zêde nakin û pê re jî serhişkiyeke bêfahmî dikin. axirê bi ya min li pey nekevin, xeyda wan ji bo tirşikê xêr e.