3. pirtûka ku pirsên mirov ên di derbarê teoriya werarê de zelal dike.

bi taybetî ev peyam divê jê were derxistin: werar ne bi tesadufên derhoze pêk hatiye. oldarên ku dixwazin teoriya werarê cûda nîşan bidin bi taybetî vê yekê pir bikartînin. dibêjin fîlan lebatê mirovan çi qas bêhempa û mukemel e., ev yek çawa bi tesadûf çêbûye.

tu kes nabêje ku mirov, ji nav milyaran îxtîmalan, bi tesadûfî çêbû.
eslê xwe de, ê ku tê gotin tam berevajiye. her nifş bi milyonan mutasyon derbas dike û a herî baş dikare nifşa xwe bidomîne. lê ên ku ji mutasyonan feyde nedîtine wenda dibin diçin. lewma her ajalê ku em dibînin ji me re mukemel tê.

oldar dibêjin "yaw li pergala rojê binêrin. hemû gerdûn li dora rojê dizivirin, yek ji wan 10 metre dûr bikeve an jî nêzûk bibe, wê ji rêya xwe derkeve û an wê belav bibe nav fezayê an jî wê bi rojê ve bizeliqe. lê hûn dibînin her car tam ji rotaya xwe derbas dibe. ev nîzamek wisa ye ku, encax xwedê dikare wisa biafirîne"

lê mirov dikare wisa jî bifikire. belkî bi milyaran gerdûn bi rojê ve zeliqîn û şewitîn û bi milyaran çûn kûrahiya fezayê de wenda bûn. ên ku em dibînin, yên karîne di vê ahengê de bimînin in. em encamê dibînin lê yên ku nekarîne û wenda bûne nafikirin.

elbet her tişt nahetiye rave kirin. ez bixwe hê jî nizanim zindiya yekem çawa çêbû. teoriyên heyî min têr nake. lê ji ber ku nikarim zindiya yekem rave bikimî ne mecbur im ji teoriya afirandinê bawer bikim û bêjim mirov ji axê hatine afirandin û adem û hava, zêdebûne û belav bûne.
gerdûna em li ser dijîn bi milyar salan tê de zindî jiyan kirine, ên ji afirandinê bawer dikin dibêjin mirov her wek xwe mane. ên reş ji axa sor, ên spî ji axa spî hatine afirandin *

mirovekş bikare objektîf bifikire, bi tu awayî nikare teoriya werarê înkar bike. ji xwe akademî bi awayek net werarê qebûl dike û qaîdeyên wê qebûl dike. tenê ên ku weke partîzanên partiyek bin, ola xwe diparêzin û ên ji derdora cemaat û tarîkatan felan derketine bawer nakin.