1. ji ber ku feleka wan şaş bûye. weke tê zanîn li her devera kurdistanê govend rast tê gerandin. li gor gotegotan di dîrokek pir kevin de axayên ertoşîyan rûsipî û pêşkêşên eşîra goyan vedixwînin mihrîcana bexbirê. girgireyên goyan teşrîfî bexbirê dikin. lê ertoşî bêbextîya mezin li mehvanan dikin. radibin wan zelaman digrin, îşkenceya kurdî li wan dikin. yek ji îşkenceyên kurdan li ser kereng pêxas gerandina kesê yexsîr e. ertoşî ji bo quweta xwe nîşa goyan bidin pêşkêşên wan di îşkenceya kereng de bêrûmet dikin. goyîyên yexsîr li ser kerengan gêre dikin ew jî govendê digerînin. piştî têra xwe henekên xwe bi goyîyan dikin wan pêxas rêdikin malên wan. piştî serkirdeyên goyan vedigerin gundên xwe goyî dibêjin ehd û eman be em vê yekê nehêlin ji ertoşîyan re. piştî salekê dîsa wextê bexbirê goyî xwe rêdixin diçin davêjin ser zoma ertoşîyan. hemû zelamên wan dikujin û li ber ser termên wan govendê girê didin. ertoşî jî paşê sond dixwin ku heta heyfa xwe nehilênin ewê wek goyîyan govend girê nedin, tersê wan herin.