1. gelek hûrgiliyên wê hene, lê ez dixwazim tenê li ser guhertina paşnavê ya jinan bisekinim. bi ya qanûnê dema jin û mêr zewicîn, jin divê paşnavê mêrê xwe bistîne. lê heke bixwaze kar bi paşnavê xwe bike, divê arzuhalek binivîse! Çima! ji bo ku paşnavê xwe yê esil bi kar bîne yê ku ji zayînê ve hiqûq wê jinê bi wê wekî hemwelatî nas dike! lê pirsgirêkekê vî rengî ya mêran tune ye. qanûn rasterast cudaxwazîtî dike.

ecêb e! emrê vê meselê ne 90 sal e belkî, lê tu rabe ji mêrek kurd re bipirse, dê yekcar bibêje, divê paşnavê min bi kar bîne! çima, ji ber çi! heke paşnav, paşnavê te be, yê jin çi ye! heke bav, bavê te be, yê jin çi ye!

paşnav sivikkirina karên hiqûqû ye, hew! tu wateyek wê ya pîrozî, dînî tune ye. hele ji aliyê kurdan ve divê tu wateya wê tunebe. paşnavê wê ozturk e mîsal, yê din çelik e, yekî din dogan, yê din şahin e! çi mêranî di vê paşnavê de heye, fam nakim. lê jin ew ê here nasname biguherîne, piştre ew ê here pasaporta xwe, dîplomayên xwe, hesabên xwe yên banqayê... hema her tişt biguherîne.

*