1. modelek ji rêza mi ya xiaomiyê ye. min berî nêzikî 3 heftîyan kirî. ji aliyê bûha/performansê ve gelekî baş e.
taybetîyên wê yên ku derdikevin pêş ew in ku kameraya pop up dihewîne. ev yek jî dihêle ku mirov %100ê ekranê bi kar bîne. ne ji bo kamerayê ne jî ji bo hoparlor, mîkrofon û hwd. li ser ekranê tu qunc an jî kêlek nehatine veqetadin. dîmenek gelekî xweş derdikeve bi vî awayî. ji aliyê din ve bataryaya wê 4000 mah e. bi saya vê yekê û teknolojîyên paşperdeyê, şarja telefonê gelek dirêj didome. ez bixwe nikarim di nava rojekê de biqedînim. (lîstik fîlan nalîzim).
di telefonê de 3 kamerayên li paş hene. yek ji wan 48 mp e. yek jê bi x2 optîk zoom e û ya din jî kameraya bi dîtina fireh. di nav van de herî zêde ji ya fireh hez dikim, bi saya wê mirov dikare ji nêzik ve jî dîmenek fireh bi dest bixe. weke mînak di odeyeke biçûk de dikare fotoya temamê odê bikişîne. kameraya pêş ji nav telefonê bi saya motorekî derdikeve derve û têra xwe baş e. moda portreyê jixwe heye.
telefon dikare rûyê we an jî dewsa tiliya we nas bike. amûra xwendina dewsa tilîyan di binê ekranê de veşartî ye. bi vî awayî hem bikaranîna wê hêsan e him jî xuyanîyek xweş derdixe holê.

hinek taybetîyên din: dikare 2 simkart bi hev re bixebitîne, giranîya wê 191 gr e û dema mirov digire destê xwe, ji giranîyê hebkî aciz dibe, alê paş ya telefonê bi malzemeyek wek camê hatiye çêkirin û pir delal xuya dike, cihê kabloya şarjê USB type C ye yanî ew şarjên ku di telefonên androîd yên nû de standart e û rast û vajîya wê tune, ram 6 gb e, ekrana wê 2340 x 1080 pîksel e, kirara wê Qualcomm Snapdragon 730 e, dikare 3840 x 2160 pîksel vîdyo bikişîne, moda kişandina hêdî ya vîdyoyan jî heye.

li tirkiyê bûhayê wê vê gavê nêzikî 2750 fîlan e. gelek kes bi rîyên qeçax jî tînin û wê demê bi 1800-2000 tlyan fîlan tê firotin.