1. dibe ku galerîya herî navdar a dinyayê be, an jî yek ji wan. tev bi wêneyên navdar ên ronesansê, û wêneyên berî û yen piştî ronesansê, tu dikarî peykerê david a bi pênc mitro a mîkelanceloyî jî bibînî. (bnr: peykerê david)

bo galeriyê em bêjin "galeriya akademî ya floransê". galerî li bajarê firenze, li îtalyayê ye. têketina wê bi pere ye. tenê mehê carek bê pere dihêlin, ew jî bi rezervasyonê ye.

tê de wêneyên hunermendan ên ji sedsalên 13an, 14an, 15an, 16an û 17an hene. ya rastî di nav galerîyan de ji bilî wêneyan tu tişt nabe. lê li wir odeyeke bo amûrên muzîkê veqetandibûn ku hin amûr çar sed salî bûn. korîdora davidî ecêb xweş e. bilêt li înternetê bi rezervasyonan tê firotin, her yek di saeta xwe de, wek 09.00, 09.15, 09.30 û hwd bi rêz kirine loma hejmara bîneran ji hedê xwe zêde nabe. dîsa jî ji bo ku nekevî qerebalixa mezin, serê sibê biçî pir baş e. hêjayî dîtinê ye. audio guide (rêbera dengî) heye, bi pere ye. berguhek didin. li ber wêneyan disekinî, nimroya wê pêlê dikî û agahî di derbarê wê de guhdarî dikî. audio guidea bo zarokan jî heye. bi kurdî jî deng hebû an na, min nepirsî, loma nizanim.