1. dengbêj, çîrokbêj û youtuberek e bi eslê xwe ji gundekê hezex an nisêbînê ye û li bajarê hamburga almanyayê dijî. li ser youtubê bi sedan vîdeoyên wî hene bi wê kurmanciya xwe ya xweş û gewr ku tehma torê jê tê çîrok û serpêhatiyên gelêrî û carinan jî yên bi serê xwe bi xwe de hatine dibêje. di qenala wî de heta niha 126 çîrok û serpêhatî hene, nêzikî 6 hezar aboneyên wî û 3 milyon cara jî hatiye temaşekirin.
li ser youtubeê bi tesadûf lê rast hatim û ji hingî ve her ku wextê min çêdibe darî vîdeoyeka wî dikim. ji naveroka çîrokan bêtir kurmanciya wî ya gewr û şêweyê çîrokbêjiya wî ku dema dibêje mirov dibêje qey di nav çîrokê de dijî kêfa min tîne.
çend kesên din jî hene wekê necat zivingî çîrokan dibêjin li ser youtubeê û zêdetir jî abonman û bînerên wan hene lê ev tama cemal dengbêjê kurd dide yek ji wan nade mixabin. hem zimanê wan ji xwezaya çîrokbêjiya kurdî dûrketiye hem jî wekê ku ji pirtûkekî dixwînin çîrokan dibêjin.


vîdyoyê veke