Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    9 mijar û 9 peyam
    hejmara dêran li bajarên bakurê kurdistanê - tirşik
    hejmara dêran li bajarên bakurê kurdistanê
    (0) (0) (4)
    di mijarê de bigere

    1. Hejmara dêran li parêzgehên bakur weha ye:

    amed: 22
    mêrdîn: 69
    colemêrg: 13
    Şirnex: 16
    wan: 29
    Çewlîg: 8
    bedlîs: 36
    mûş: 6
    qers: 29
    Îdir: 2
    agirî: 1
    erzirom: 27
    erzingan: 6
    dêrsim: 6
    xarpêt: 15
    Êlih: 8
    gurgum: 5
    meletî: 3
    xetay: 19
    dîlok: 7
    semsûr: 3
    sêrt: 10
    sêwas: 16
    artvîn: 16
    erdexan: 15



    2021.12.04-01:26 | tîrêj zana 21

    2. hejmarên ku ji min re bi mantiq hatine ne. lê problemekî heye, çi qasî evan hilweşandî ne? ji ber ku tenê li ser kelheya wanê jî 4-5 dêr tên ditîn lê hilweşandî ne.



    2021.12.04-01:53 | heval.js

    3. meriv dikare bi van îstatîstîkan di derheqê hejmara xaçperastan de krîtîkan bike.
    li mêrdînê dêr pirr e çimkî nivê bajêr suryanî bûn, hindek jî ermenî hebûn
    li amedê hemî ermenî bûn
    ez bawer im jêmayîyên dêran ên colemêrgê û derûdora wê ji ber nifûsa zêde ya nastûrîyan e. (bedirxan koka wan qeland)
    li welatê serhedê jî pirr ermenî hebûn, li gorî îsatîstîkekê ku ez ne şaş bim min di pirtûkeke altan tan de xwendibû; di sedî de 47-50 ya nifûsa serhedê ermenî bû.
    tabî ev îstatîstîk bi çi qasî rast e û çend ji wan hê li piya ne çend ji wan hilweşîyane nizanim.



    2021.12.07-13:26 | ferhenga şikestî

    4. berîya vê sed, sed û bîst salan li bakurê Kurdistanê rêjeya ermenî û kurdan hema bibêje wekî hev bûn. yanî çiqas nimêjgeh hebûya ewqas jî dêr hebû. cihê ku lê me jî cihek biçûk e û sed sal berê ermenî jî kurdan zehftir bûn. û gelek dêr hebûn. lê taxa me berdin li bajarê ku dijîm de dêrek jî tuneye. hem ermenî nehiştin hem jî dewlemendîyên wan. qira wan rakirin. her wiha yê dêran jî. tiştek gelek balkêş heye, çima destên xwe nedan suryanîyên Mêrdînî. an jî wisa bibêjim çima bi temamî wan ji van axan dernexistin?



    2021.12.07-15:51 | gunicorn

    5. Ti problemeke suryanîyan bi dewletê re tune bû. Lê problema dewletê bi cihû û ermenîyan re hebû.
    Ya yekem di dewletê osmanîyan de kurd jî tirk jî Çerkes û ereb jî Hama bêje giş gundî, cotkar, esnaf bûn. Dewlemendên wan jî axa û Şêx û beg bûn. Ango misilmanên dewletê bi bazirganiyê re mijûl nedibûn zêde. Cihû, rûm û ermenî bi pirranî bazirganiyê dikirin bi taybetî cihû pirr dewlemend bûn. Li hemî dinyayê wisa bû. ger hûn romanên klasîk yên beriya du sed salan hatine nivîsîn bixwînin ev rastî di wir de gelek caran hatiye nîşandan û nîqaşa vê tiştê qewimîye. Gelek sebebên vê yekê hene tabî lê ew mijareke di ye. Lê wek mînak em dikarin bêjin ji ber ku dewleteke cihûyên tunebû, cihû erd û mal û gund nedikirrîn, her bi nakît-keş digerîyan. Ne gundîtî kirin ne jî cotkarî bi tenê bazirganiyê dikirin loma piştî geşbûna bazirganiya Global bûn burjuvazîyên mezin.
    Li Kurdistanê jî Ermenîyên me yên bajarî karê bazirganiyê dikirin loma sermîyana wan hebû. ev yek.
    Ya duyem ermenî jî behsa Ermenîstana mezin dikirin û ji nahçîvanê heya Diyarbekirê digotin li vir Ermenîstan e. Yanî bi du sebebên bingehîn navbera wan û osmanî û kurdan xira bû. Dewletê pêşî xelaya ermenîyan rakir, dest avêt mal û milkên wan dûre karê rûm û cihûyên Stenbolê safî kir û dest avêt mal û milkên wan jî. Beyoğluya Stenbolê di destê misilmanan de nebû piştî provokasyona dewletê hemû ji cihên xwe bûn. Bi vergi û bacên 'hebûn'ê mal û milkên yên mayî jî ket destê dewletê. Piştre dewlet burjuvazîya xwe ya netewî saz kir.

    Suryanî jî wek kurdan feqîr bûn. Ne mal û milkên wan hebûn ku dewletê dest biavêta, ne jî doza dewletê kirin heya aniha.

    Min dîsa mesele dirêj kir, bi kurtasî ti taybetîyeke berbiçav a suryanîyan ku dewletê pê xwe eciz bike tune ye. Ma dewlet doza çi li wan bike êdî?
    Ermenî hem û mal û milkên xwe cazîb bûn hem jî bi daxwazên xwe yên siyasî bûn hedefa dewletê.



    2021.12.07-18:21 ~18:23]| ferhenga şikestî

    Hemûyan Bixwîne

    dengdanên dawîn (Yên Din..)
    harûn elkî [1]
    albûma wî ya dawîn rev wekê stêrkekî diçûrise di nav albûmên k...
    qûma mezopotamyayê [1]
    romanekê jînenîgarî ya fawaz husên e. (li berga pirtûkê fawaz ...
    ava bîrê bişuxilîne bi tedbîrê [1]
    gotina pêşiyan e ku bi min li jorê şaş hatiye pênasekirin. ger hebe he...
    erzankirî zû dirî [1]
    gotineke pêşiyan e ku min nezanî 'kirî' cuda an pêve binivîsim. wate d...
    kincê cîran rojek hespê hevalan meydanek [1]
    gotina pêşiya ku tê wateya tiştê ne yê mirov be heya bi derekî pê îdar...
    belki ev jî bala te bikişînin
    » hejmara kûl û derdên dîjber ên heta niha
    » dêran
    » bajarên herî mezin yên kurdistanê
    » kurdistane

    Kategoriyên mijarê:: geruturistik geruturistik geruturistik
    nivîskarên ku li vê mijarê nivîsîne


    sitemap
    reklamokên beredayî