1. rêzefîlmeke kurdî ye.
wek sîtkom/ sitcomê tê binavkirin.

ji aliyê deniz ozer, erdal kaya û çend lîstikvanên din ve(bi piranî batmanî ne) tê lîstin.
îro beşa ewil hat weşandin.
ji kena ziko pişto bûm, pir xweş bû *


vîdyoyê veke

2. Rêzefîlmek kurdî ye û li ser Youtubê di kanala(bnr: deno) de tê weşan kirin. Pêkenok e ez baş kenîyam *

3. Beşa 3'emîn derket


vîdyoyê veke

4. Naxwazim li serê zêde xeber bidim lê divê van rexneyên xwe binivîsim. Gelek peyvên tirkî bi kar anîne. Nêzîkî tev daçek û gihanek bi tirkî bûn. Tiştê tê xuya ji ber beşa yekemîn zêde kêfa temaşevanan biriye eynî wê beşekî din jî çêkirine. Ev jî qalîteyê xira kiriye. Ji bilî wê li bin vîdeoyê de agahiyên rêzefîlmê bes bi tirkî hatiye nivîsîn û ev tişt min zahf aciz kir.

5. rêzefîlm an jî rêzeskêçên serkeftî ne. erê belkî ne hêjayî televîzyonê bin, lê belê ji bo youtubê bes û zêde ye jî. wek li jor jî hatiye gotin, tê de peyvên tirkî hinekî zêde ne lê dizanim ku vê yekê hinekî jî bi qestî dikin. ne ku kurdîya wan peyvan nizanin lê him vê yekê komîk dibînin him jî ev yek belkî bihêle ku kesên kurdîya akademîk nizanin jî lê temaşe bikin.
di binê vîdyoyekî de kesek ji rojava jî vê yekê rexne kiribû ji ber ku camêr wan esprîyan fêhm nake.
piştî vê projeyê, rebenê rewşenbîr zana dev ji qenala xwe hestû tvyê berda. ev ne tu îş bû.

6. Bi nêrîna min tiştek baş derxistine holê. Henekên wan di nav hevalan jî belav bûye. Gelek hevalê min dibînim henekên wan bikartînin *

7. Rêzefîlma ku hîn min darî nekiriye ye. Li vir û twiterê car caran reklama wê derdikeve pêşberî min. Lê nizanim çima bala min nakişîne. Min rexneyên li ser wê jî xwend e û nivîsên tebrîkan jî. Xebatên bi vî rengî heye ku bo civakê baş be. Wer dixuye rêzefîlmek pêkenî ye lewra car caran birayê min lê darî dike û bi dengkî dikene. Her çiqas li wan darî nekim jî serkeftin bo wan.

8. Rêzefîlma ku gelek baş tê temaşe kirin. Gelek hevalên min ê ji dûrî kurdî peyam ji min re dişînin dibêje tu vê Beşê temaşe kir ka ev beş çiqas xweş bû hwd. Îro hevalekî min ji min re peyam şand û got ez bi malbata xwe re temaşe dikim. Ji bo vê rewşê gelek kêfxweş im. Hêvî dikim bi vê karî gelek pere jî qezenc bikin. Bila bibînin ku êdî kurdî pere dike.

9. Wan rojên han, yekî li ser rêzefîlmên îşev û şekirok rexne kiribû, û di got bêqelîte ne fln mvn.
Lê gelek kes li dijî wî rabûn û wan diparastin.
Bi rastî jî mafdar in ji bo em wan biparêzin, îro em dinêrin, tenê ev ji destê camêran tê, bi van îmkana encex ev ji destê wan derdikeve, kesên dewlemend alikariya wan kirine qey?
Mixabin, em tenê dipeyivin, lê ji aliyê piştgiriyê xwe diveşêrin

10. Navê rêzefîlmekî kurdî ye. Di serî de ji bo ku bi kurdî çêkirine ez wan pîroz dikim lê ez ê wan rexne jî bikim. Di nava çar beşên ewilî de tenê beşa yekem têr û tije hat ji min re, her sêyên din min pir neecibandin. Beşa 5. Jî hîna min temaşe nekiriye.
Ku em bên ser meseleya bikaranîna peyv û klîşeyên/henekên Tirkî; ez wan napejirînim. Hem kurdên perçeyên din fêhm nakin hem jî kurdî pêş nakeve. Ew nekin, em nekin, yên din nekin dê çewa henekên me çê bibin? Digel vê jî Tirkmancî normalîze dikin li gorî min.

11. Beşa 5an di 2 rojan de 216.000 caran hatiye seyr kirin.
Ji bo rêzefîlmeka kurdî ew serkeftinek pir pir baş e.

Bila weke nimûneyek bibe ji bo ên dî.

12. rol xweş hatine lîstin ne wek "mala minê" ji rastiyê dûr û vala ye , merov xwe û derdora xwe di henekê wan de dibî ne .

beşa yekem gelekî rast û rewşa me kurda dide der.
di beşa dudyad jî xeyalet gelekî xweş lîstî ye.
her serkeftî bin .

13. ji sitcomê wêdetir terza wan hebkî dişibe leyla ile mecnun a onur ünlü. heta dikarim bêjim;

deno mecnun e, kûlîlkê leyla ye,

helbet şerîf yavuz e, rojînê jî eylül e,

baqî bivênevê rengê îsmaîl abê dide,

fêkîfiroş mustefa eynî erdal beqal e,

jixwe hemeşayê evdal hema bêje kaan e,

lê ednan yek e, tek e! (: