1. Ev teorîya femînîzmê fikirên xwe ji doktrîna john locke hildide. Bi Serdema Ronakbûnê fikirê femînîzma lîberal aj dide. Piştî Şoreşa Fransayê bi nêrînên Wollstonecraftê ku wekhevî dixwest, rê li ber ramanên lîberal da vekirin. Femînîzma lîberal li ser hiş hûr dibe û aqilê jinan ji yê mêran kêmtir nabîne. ango zayenda aqil red dike. Lê mirov dikare bêje ev tevger ji bo komeke jinên bijarte dixebitî. Ji ber vê yekê zêde bandor li ser dinyayê nekiriye û herêmî maye. Bi awayek burjûvaîst xwe nîşan dane. A rast ji bo burjûvayê biparêzin ev hişmendî di nava hin jinan de peyda bûye. lewre ramanên wan belav nebû. Nêrînên vê teorîyê kete ber rexneyên femînîzma marksîst.

mirov dikare bêje ku femînîzma lîberal, ji bo perwerdehîya jinê têkoşîyaye. Ji alîkî ve jî di warê aborîyê de azadîya jinan daxwaz kirine. Wek ku tê zanîn Virginia Woolf jî ji bo vê yekê, di berhemên xwe de perwerdehî û aborîyê wek rêya azadî û takekesîyê nîşanî jinan dida. Ev teorî bi awayeke heteroseksîst (dijî lgbt) tev gerîyaye. Ji ber ku nasnameya çanda hetero-patrîarkî (malbata klasîk) ku li ser wan barkirîye qebûl kirine û vê nasnameyê û hebûna malbatê parastine. Ne tenê heteroseksîst tevgerîyane. Di heman demê de ji bo komek bijarte têkoşîn dane. Vê yekê jî bêhtir jinan daye pelçiqandin..