1. Nivîskarekî nû ye bixêr hatiye. Li van rojan çalak e û dinivîse. Ji Mêrdînê ye. Xwedîyê nivîsek e baş e.
Her û her li vir be û şîroveyên xwe her tim li ser vê malperê binivîse. *

3. Bi xêr hatiye. Pênûsa wî baş e. Xweş dinivîse. Hêvî berdewam be.

4. Carekî min ser vê mijarê xeletî nivîsîbû. Çîrokek piçûk e. Vê çaxê ciwanek mêrdînî (18 salî) li ser ekşiyê peyam şandibû. Ne Şaş bim gotibû ez li îzmîrê mezin bûme piştre em vegeriyane mêrdîne Kurdî baş nizanim Lê dixwazim hîn bibim û hewl jî didim. Piştî çend peyaman min jê re behsa tirşikê kir. Haya wî li tirşikê hebû heta di deşta tirşikê de bûbû çomezek. Navê nicka xwe bo min eşkere jî kir. Rojek ser derbas bû min dît li ser tirşikê dinivîse ji bo xêrhatinê min bin nicka wî nivîsî. Piştre haya min jê çêbû ku ev nick ne yê ev hevalek e. Min jî peyamê jê bir. Rojek keyomerdê hêja pirsî digot te çima payama xwe jê bir te ji ku dizanî ez temenpiçûk im, ciwan im filan û bêvan? Min hal û mesel jê re îzah kir. Tesaduf ev e ku keyomerd jî ji mêrdînê ye û heman temenê de ne. Heta ev hevalê ku li ser ekşiyê peyam şandibû bi keyomerd re heman dibistanê de jî xwendî ye belkî di heman polê de jî bin, nizanim êdî. Tesadufên me naqedin zêde dirêj nekim. Ciwanek xwînşêrîn e. Jîr û jêhatî ye. Hêviya pêşerojê ye.

6. Yek ji nivîskarên hêja yên tirşikê ye. Nivîsên qenc dinivîse. Hindik lê têr dinivîse. Şêwaza ku bi kar tîne jî gelek hêja û herikbar e.

Nêzîkî sê meh e ku em bi hevre diaxivin. Zû bi zû sempatîya min bi mirovan re çênabe lê ji bo birayê keyomerd wisa nebû. Xwîna min jê re kelîya.

Bi rastî em dişibin hev, wekî nêrîn, fikr û hobiyan. Ew jî wekî min dixebite ezmûna yks2021ê. Bi hêviya xebatên me hêvî dikim em bigihîjin armancê xwe. Ne hewceyî xwedê alîkariya te bike. Tu bixwe dikarî ser bikevî. Bi hêviya Roj û pêşerojên xweş...

7. tirşikvanekî dinêeyan e. Diyar e, esl û fesla pergala zimanan rind fahm kiriye, ev feraseta wî jî Di peyama “fal vekirin/131713” de baş tê dîtin. Ango her tiştî bi mantiqa zimanên serdest ve nazeliqîne.

8. Gramervan û zimanzanê tirşikê ye, ciwanekî delal û qeşeng ê bi min prototîpeke îdeal a ciwanên kurd e. Peyamên têr û tijî û bi zanyarî dinivîse, û bi hewes û daxwaz û xêreta xwe ve min dihesûdîne.

Bila her hebe.

9. nivîskarê tirşikê yê ku dema nivîsê gramera kurdî li tirşikê dinivîse, bi hemû hêz, bal û xwesteka xwe ve dinivîse. dema wan nivîsên wî dixwînim, heç wekî ji pênûsa gire girek rêzimana kurdî derketiye hest dikim. yanê ewqas xweş, ciddî û herikbar e ku di eynê deqê de fikra mirov diguhere. meraq dikim gelo bo rêziman perwerdeyek pisporî stendiye an ev hemû berhemên xebata takekesî ne?

ji roja ku hatiye li tirşikê tomar bûye, hêviyên me vala dernexistiye û bûye layiqî pesindayîna. bi istîqrarek berdewamî dinivîse. hêviya min jê tim li van der û dora be û me ji wan nivîse xwe mehrûm nehêle. destê wî sax...

10. tirşikvanê ku bûme êsîrê playlîsta wî ya di radyoya tirşikê de. stranên xweş yên estrûmantal lê bar kiriye. di ber xebatê re, guhdarkirina li wan pir xweş e. di rêwîtîya erebeyê de jî (tabî ku xewa we tune be).
mirov dikare ji vê lînkê, guhdar bike stranên camêr: Here lînkê
û bi saya straneke wî, haya min ji enstrûmana theremin(teremîn) çêbû. baş jî çêbû.

11. Nivîskarek zana, şeraze û kedkar e. Îsal xwe li ezmûnên zaningehê de biceribîne. Xwedê pê re be û biki ko bigihê miradên xwe. Li vî temenê xwe yî ciwan de xwe danîyê li ber barekî gelekî giran, nav ewqas nebaşî û nexweşîyê de hemberî bişaftinê radibe. Xwedê bike ku kêfa wî lê neşike û tim wilo domdâr be. Kêfa min zaf jê re tê, Xwedê wî bihêle.
Min heta niha gelek sûd ji peyamên wî vergirtîye, hêvî dikim rojekê bibe zimannasek mezin ba xwe şagirta bihêvoje da ku tiştên ko li ser xwe zêde kirîye bi wî re nekevin bin erdê.

13. Yekemîn împaratorê Îranê bû. Mirovekî dadperwer, jîrmend û pehlewan bû. Cihê wî li nav çiya bû. Çermê pilingê weke cil bikar aniye û bi saya wî xelk jî hîn bûne cilan li xwe bikin. Herwiha kurekî wî hebû, navê kurê wî siyamek bû.

Çavkanî: pdf'a pirtûka Rustemê Zalê, r. 15

Edît: şaşiya nivîsê

14. :(نڤیسکارێ کو پەیامێ تایبەت مێزە ناکە

15. êdî di tirşikê de edîtor e. ser xêrê be.

16. zilam e, mêrxas e, zana ye. yek ji dîyarîya tirşikê ye ji bo min. bi rastî rastkeriya wî ez gelek kêfxweş kirim. jixwe rastkerek wiha ji tirşikê re pêwîst bû.

17. Nivîskar û rastkerê (edîtor) tirşikê yê ku divê mirov wî teqdîr bike. Ji roja ku erka rastkeriyê jê re hatiye dayîn, rêjeya rastkirina mijarên şaş bi qasî ku li ber çava bikeve zêde bûye. Heqê erka xwe dide û di zûtirîn dem de sererastkirinan dike. Du cara mijarên min yê şaş hatibûn nivîsîn jî sererast kir. Spas ji bo cenabê wî.


Lêzêdekirin:

Bawerim mijara tirşik forum li tirşik forûm guhertiye. Ev jî bûye sedema bi sedan bnryên ku hatine dayîn li valahiyê bimîne.

18. bi pîranî sernivîsên min serrast dike lê ez jî teqdîr dikim*

19. Serrastkerek (editor) şoreşger yê tirşikê ye. Di mijarên bingehîn yê tirşikê de guhertinên şoreşgerî pêk tîne. Hewl dide mijaran sedî sed bike kurdî û ji hemû çewtî û şaşitiyên rêzimanî û mentiqî rizgar bike.

Tirşik forum >> (bnr: tirşik forûm)

Tirşik translate >> (bnr: tirşik werger)


Gelek mijarên ku qaîdeya tewangê îhlal kirine jî bi awayek pergalî guherandiye. Her cara ku têketinê li tirşikê dike, destê xwe li çend mijaran digerîne.


Herweha wekî ku diyar kiriye, nivîskarek ji qoserê ye. Loma jî di hal û wextê asayî de bi kurmanciya standart lê tevî peyvên herêma mêrdîn dinivîsî. Lê her ku xebat û lêkolînên wî li ser kurmancî û kurmanciya jêr zêde dibin, meyla wî bi ser devoka bahdînan ve dere. Ev yek xwe di nivîsan de û bi nivîsandina bi tîpên soranî dide der. Min hêvî jê heye xwedî li devoka mêrdîn ya şêrîn û nazenîn derkeve û pê binivîse. Ji bo vê devokê jî pirtûkên rênas jiyan pêşniyarî wî dikim.

20. Maşala yek ji xortên zêrîn ên kurdan e, ku gava mirov pê dihesibe baweriya mirovî bi xwe tê. Dilê xwe de min got min baş kir heya niha min nivîsand. Ez di rêya rast de me. va ye kesên nû û pir xweşik dinivîsin tên. Xwedê wî û xortên mîna wî bisitirîne! Kurmanciya wî a gewr û nivîsên wî ên ji aliyê qaîdeyan ve birêkûpêk ji her derê ve xuya ye. Hema li peyama wî ya dawî binêrin: mala pisîkan/139874

22. Hevalekî ku bi kurdî pir xweş dinivîse. Dema li ser kurdî pirsek min hebe ez jê dipirsim (Min heta niha tenê 2 pirs pirsî jji ber ku ez naxwazim wî bêzar bikim.). Ez jê re dibêjim heval lê di navbera me de ferqeke mezin a temenî heye*. ew ji min aciz dibe ku ez jê re dibêjim heval nizanim.
ew pir xweşbîn, alîkarxwaz, miriyê hevalê xwe ye. ew her hebî.

23. nivîskarekî di ser xwe re ye. xwedî peyameke zanistî ye ku ziman û nivîsîn, maşelah, gihîştiye asta state of the art. yanî ji wê baştir tune ye, an hîn nehatiye dîtin. bi her awayî bê kêmasî ye. pêlên elektromanyetîk/134699

bo avakirina zanîngehekê, nivîskarekî wekî wî pêwîst e. bê nezer (nifşên nû ên tirşikê bi rastî ne hindik in). çawa bêjim, bi berawirdkirina keyomerd û ergin öpengin, dibêm qey keyomerd têk dibe. an wekhev in an jî keyomerd jê jîrtir e. bila ergin öpenginê hêja ku pirtûka wî li ber me heye û mala me tev heyrana wî ye, dilê xwe negire. *