1. cureya birincê ye ku min cara pêşîn îro çêkir û ji hemû endamên malbata xwe ve ji ber tehmxweşî û heb-hebikiya wê hatim pîrozkirin.* di normalê de jî birincê min xweş çêdibin ji xwe tenê di vê û soteya mirîşkê* de ez bi xwe bawer im.

min wiha çêkir: berê min nokên xwe da ser êgir û rind da kelandin. min di nav rûnê nivîşkê de qedeh û nîvek birinc du sê deqayan bir û anî. sebeba wê bo bila bibin hebhebkî. piştre min nokên xwe bera hundirê beroşê da. qasî du sê deqa pevre sor kirin û piştre sê qedeh ava kelandî berra beroşê dan. ji ber ku di halê hazir de ava goşt an mirîşkê tunebû, min bulyonek hûr kir û bi wê re xwê tevlî avê kir. kêmzêde deqekê ew li hev xisitin .heta ku av xelas bibe, li ser agirê kêm hiştim. bi kevçiya textik binê wê kontrol kir, da ku zanibim av heye na. dema av xelas bû, min ji ser êgir kişand. peçeteyên xwe danîn bin devê wê û qasî pênç deqayan bidevgirtî li kêlekê hiştim ku xwe berde.

noşîcan be.*

wekî cih li unkapaniya stenbolê, cîhek heye kêfa min pir ji birinca wan a bi mirişka veçirandî tê. bawer im, navê wê tarihi unkapani pilavcisi bû. her wiha li veznecilerê jî heye, li ber deriyê metroyê, li hemberî fakulteya fenê ya zanîngeha stenbolê ye. min jê jî hindik nexwar. lê cara dawî tehma bulyonê tehmên birinc û nokê kêm kiribû/kuştibû/nehiştibû.

2. dema ez biçûk bûn, ji min re meraq bû. di rêzefîlma bizimkilerê de cafer bû çi bû, bi şev vê xwarinê difirot. em şaşwaz dibû, me digot ma mirov li derve û li ser pîyan çima birincê bixwe. ma çi taybetîya wê heye?

piştî ku çûm stenbolê, min jî gelek caran xwariye. bi rastî jî ne xwarinek taybet e lê weke hemû xwarinên kolanan, mirov dikişîne xwe. birinc û nok esseh hene. li gorî daxwazê, goştê mirîşkan jî datînin ser. li cem wê jî dew, tirşîya bîberan didin. eger bixwazî, dikarî ketçapê jî lê zêde bikî.

min tenê rojekê li ew a meşhûr ya li unkapaniyê xwar. em jî şanoya reşat nurî derketibûn. me hinekî bi xwedîyê dezgehê re sohbetê kir, li gorî gotina wî, bi pereyê wê demê, meblahek gelek mezin pere dida mafyayekê da ku bikaribe li vir bihewe. yanî xwedîyê binê wê darê jî hebûye.