1. ka ez kêjanî bibêjim ? tenê navê wê têra kelecanê heye:



behra wanê, berfa bilîsê, bûka gelê min çîyayê sîpanê yê warê evîna sîyabend û xecê, çîyayê agirî yê cihê şergele ya, deyşta mûşê, bazîd û ahmedê xanî, misk û feqîyê teyran, agirî û dengbêj şakiro, karapatê xaço, nîzamettîn ariç, panos û hozan serhad, mûş û delîl dîlanar...



keledoş, nanê tendûrê û masîyên şor û savar, girara esrê, paletî . . .

xwezî gulmek huzûr û aramî jî bidana meriv ku me têr mirazê xwe welatê xwe ra bikira..

2. ev wêne jî min re hate şandin, hefteyek ewil li wanê hatîye kişandin.

bihar yeca li serhedê tê..

Here lînkê

3. li ser deşta milazgirê re çiyayê sîpan hefteyek ewil destpê kir xwe bi berfê va xemiland. Qey te yê bigota tûwala hunermendekî bû û xêza destpêka berfê bi qelemê va hatibû xêzkirin..

berf, 1/3 ên çiya pêça bû û çiya di nav sûka panosê de gellek baş xuya dibu.



niha ev çend roje şilî dibare û sar e, bo serhedê ev dengê pîyên zivistanê ne.

dibên îsal yê zêdetir sar be û zivistanê jî zû destpê bike.

gel jî hêdî hêdî amadehiya zivistanê dike.



lê ev serma hê jî çinge çinga dewetan re nebûyê pirsgirêk *

sibê heta êvarê bagîyê hoy bagîyê.. *

4. herêma ku bi zimanê xwe ve, çand û jiyana xwe a rojena ve, stran û gotinên xwe ve dilê kurdistanê ye. bi ya min ji aliyê çandî ve herêma ku herî kêm asîmîle bûye ye. mirov dikare li gundan di jiyana rojane de kevneşopên 1000 salî berê bibîne.

5. Bilêvkirina kurdî ya navê serhat û herêma serhedê, çima ne serxet lê serhed, çima binxet lê ne binhed?

6. Ez niha li panosê me. Li vir wisa sar e, wisa sar e! idî kuçik dicemidin..
idî hişê termametreyan tevêhev dibe*
îro nava rojê min carekî termometreyê nihêrî -15 derece bû!
Lê tişta xaş ewe ku ber sermayê dengê çinge çinga dawetan tineye*

werhasil serhed sar e.

(bnr: zivistana serhedê)

(bnr: agir dibare) *

7. niha vira berf dibare.
Berfa zivistanê a ewilîn 1ê mijdara 2016an da barî bû.
Niha 9ê nîsana 2017 yan e hê dibare hê dibare!
6 meh zivistan!
Bimbarek tê idî naçe.
heta hewa xaş be dîsa berfê bibare jixwe.

îsal mîsala xwedê da me bûz girt yaw:(

kuro germ nabe yaw!

8. Çêlîka sibîrya ye. Birastî dilê min bi hozan serhad û serhadiyên dî dișewitê. Feqîran newêrin serê xwe derxin ji derve.

Dua bikin ku agir hatiye dîtin. Naxwe ku agir îcad nebûbane, we ça nedivexwart û diviya hun her dem "ûfo" bikar bînin. We di ber fatûrayê rê ne di kire der *

9. (bnr: av germ e de tu jî were)*

10. îsal hê berf nebarîye nav bajar û navçeyan..
hersala van çaxana berfê her der dorpêç kiribû..
lê
hindik maye..
sîpan û glîdaxê fistanê spî li xwe kirine..
berf bere bere nav zozanan ra berjêrê jêrê dibe.
milet haziriya xwe kiriye; masiyên şor, tirşîn, kelem, kartolên çehlkirî, şûşeyên turlî, kundir, fasûliyên zihakirî, komir, darê şewatê, (êzing), kincên zivistanê, qoçix, bot, goreyên rîs (bi devoka serhedê: gorê rîs )
, Patîk, çûyîna xwazginiyan ên dawiyê, debar ji bo heywanan; ka, kuspe, ceh, qûtê mirîşkan, nizanim çend ton komir, dar, sergîn, sobeyên agir û sobeyên ceyranê, sûaxkirina dîwarên malan, saxlemkirina ser banê avayîyan, kontrolkirina pace, borîyên sibê û dûkêşê..
sîh torbe ar, çar debo rûn, sê torbe şekir, çar torbe savar, birinc, pîvaz, kartol, kelem... çend ton kuspe, ka.. rêyên gundan ê çend meha girtî bin..
hazirayî temam e.
her kes li benda berfê ye.

Lê
xweza.. ?
qey tê bêjî îsal dilê xwezayê tineye xwe hazirê zivistanê bike...
Daran belg nîv nîvî daweşandin.
hine qîha ji nû ve şîn bûn.
nava rojê
Bihareke xapînok rûyê axê radimûse.
lê êvarê heta şefeqê, şefeqê heta ber destê nîvro,
Demsal Hişyarîyên zivistanî dide xwezayê..
dibêje hoyy!
ez îsal dereng têm lê hişê xwe hilde serê xwe û xwe rind amade bike!
ez ê werim..

11. Yek ji herêmeke sereke ye ji erdzemîna kurdistanê da. Herêmeke gelek balkêşe derheq mirovên xwe va. Fikrê xwe zû diguhurinîn. Exlebên wan aliyê tifaq û rêzgırtinê ra mixapin qet jêhatî nînin. Belê serhedê jimareke zor mirovan kurdî diaxifin. Lê kurdî wan ne kurdî ye sedî 80 tirkî û ancax dibe yê din kurdî be. Lewra lêker ango fiil bi xwe tirkî bikartînin. Mînak yekî îro got zikê min gurldamîş dibe. Belê hat kete guhê min û van guhan oksurmîş dibe jî bihîst. Ya herî balkêş
Pirs: kekê kudera te diêşê, tu ji kudera xwe acizî?
Bersîv: dîz qapaxiya min qarincalanmîş dibe... Belê xwedê bela xwe bide min û te. Ne te got û ne jî min bihîst... Evan hemî bila aliyekî bisekinin, hevalên ku dixwazin kurdî fer bibin hene û ruyê van kesan da ez tu halekî xwera nabînim rêyekî nîşanê van hevalan bidim.

12. Cîhên dengbêjane ûn dizanitin cîhekî dengbêjî navdar bû ye wiqas tiştên dîrokî ,evînî û serhildana nav xwe da xwedî dike sed heyf û mixabin politaqayên asîmîlasyonê serkeftin dest xistîye taybetî erdexan,qers û erzirom da kurd kurdî nizanin hin kurd jî netewêperestê tirka nin

13. Li serhedê Rewşa ziman, weke ku li jor hatiye gotin xerab nîn e.
min peyama 12emîn xand ez şaş mam.

erê peyvên Tirkmancî hene lê ne ewqas jî..

14. Erê her kes li benda berf, serma û zivistanê ye lê zivistan nayê * û bira ney jî.
li zozan û gundên zehv bilind berf barîye lê gellek bajaran berf hê nebarîye, hewa jî zev xaş e.. qey tê bêjî bihare lew..
em hêvî dikin ku îsal mîsala xwedê da, ev zivistana hanê, wisa germ derbaz be..

15. Piştî ku li hemû heremên Kurdistanê geriyam min baş fêm kir ku "ew kurdistana serê min de" serhed e. Çawa ku gotineke gelekî berbelav heye, dibê; zarokatî welatê min e û ez her ku dikim vegerim li wir, serhed jî zarokatiya min e. Erê bi awayekî îdeolojîk hemû kurdistanê û zimanê Kurdî diparêzim, jê hez dikim lê ya min û serhedê ji milkê dil e.
heke qala serhedê bibe û navê (bnr: hecîyê cindî) neyê kirin şerm e. (bnr: hewarî)yê de cih daye hemû gotinên, dengên serhedê. gava ez ji bîra dengên aliyê me dikim vedikim û hewarîyê dixwînim. Wekî vê (bnr: hagop mintzurî) jî di çîrokên xwe de qala gelek gelî, gundên serhedê dike. Ji nivşên nû jî zimanê (bnr: mem zînistanî) xwedî sewteka serhedî ye. her çi qasî aliyê wêjeyî ve zêde kêfa min jê re neyê jî, gelek peyvên, gotinên serhedê bi kar tîne.

16. herêma ku îro li gelek bajarên wê berf barîye.
Li Bazîd, gîhadîn, Elajgir, Tetwanê û gundên bilind Cardin erd sipî bûye û hewa jî sar e.
Lê ez zen nakim ku ev berfa hanê li erdê bimîne.. heta êvarê yê bihele xilas be here..

17. îro 21ê Avrêlê ye û berf barîye ji gundê me...

18. hêlîna dengbêjî yê