1. Helbestên ku di kurdî de pirtirîn tên ecibandin in.



(bnr: gulfÎroŞ)



Ez ji xew rabûm, gulfiroşek dî,

Pir gelek şa bûm, gul bi dil didî.

_____________________Gul bi dil didî.



Hebû me yek dil, tev jan û kul bû,

Ne bûme bawer, gul bi dil bidî.

______________________Gul bi dil bidî.



Bazar me kir go, ser bi ser nadim,

Ê gulperest bî, can û dil didî.

__________________Can û dil didî.



Min go kî didî, can û dil bi gul,

Go: ev bazar e, dil bi kul didî.

___________________Dil bi kul didî.



Min can û dil dan, dil kiriye qêrîn,

Go ho Cegerxwîn, dil bi gul didî.

____________________Dil bi gul didî.



cigerxwîn

2. bi kurdî helbestên xweştirîn

3. (bnr: helbestên ku tirşikvan jê hez dikin)

4. eger karibî

guliyên vî baxî

yek bi yek bijmêrî

eger karibî

hemû masiyên gir û hûr

yên nav çemê pêşberî xwe bijmêrî

eger karibî

dema koçberiya teyran

yên ber bi jêr û ber bi jor ve

yên ber bi jor û ber bi jêr ve

yek bi yek bijmêrî

wê demê ez jî soz didim

heçî qurbanên

vê axa şîrîn ya kurdistan

yek bi yek bo te dijmêrim. - Şêrko Bêkes

5. Dema şandeyeke biyanî tê welatekî,

tacgulekê dibin ser gora

Şervanê Winda.

Ger sibê

şandeyeke biyanî were welatê min

û ji min bipirse: Ka gora

Şervanê Winda?

Ezê bibêjim: Ezbenî,

li berava her coyê

li ser doşkê her mizgeftê

li ber deriyê her dêrê

her şikeftê,

li ser kevirê zinarê her çiyayî

li çiqê her dara daristanê

li Kurdistanê

li her bosta axê

li her geza esman...

xem nake, piçekî xwe bitewîne

û tacgula xwe lê deyne.





Ebdulla PEŞÊW

6. "...

lezê neke!

li benda tarîtiyê bimîne.

Tarîtî keleha mêran e!

..."



E. Peşêw

7. (bnr: helbestên kurdî yên xweştirîn)



seydayê tîrêj - bilbilê dilşadî

8. Eger sed sal di çala de bimînîm
her roj sed mar û dûpişka bibînim
Zivistana li ser ava bimînim
Havîna pezî kûvî biçêrînim
Li hevraza berê aşa bikêşinîm
Ne wek carek, yekî ehmeq bibînim

Şêx Ebdirrehmanê AXTEPÎ