Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


13 mijar û 16 peyam
çiyayê sîpanê - tirşik
çiyayê sîpanê
(2) (0) (1)
di mijarê de bigere

1. warê siyabend û xecê, di bakurê rojavayê behra wanê de ye..

min berê nizanibû çiyayekî çawa ye, hew ji stranan û bi saya serê destana siyabendê min navê wê bihîstibû..

şevekê min bilêta xwe birrî û di saet diduya şevê de siwarî otobusê bûm û ber bi wanê de çûm, ji bela ku derengî şevê bû cara ewil razam, qederekî çar-pênç saet derbas bû ku berbang derketibû, min li şibakaya otobusê li derve nêrî, di aliyê min ê çepê de behra wanê hebû, min cara ewil ditîbû, min biskek bi heyranî temaşe kir, dûre min dît ku tam li hemberî min, di qeraxa dî ya behrê de çiyayekî bilind û berz hebû, min qet çiyayekî wilo bilind nedîtibû, min ji yekî pirsî, got çiyayê sîpanê ye...

heta ku çiyayê sîpanê ji rotaya pencerê wenda bû, min lê nêrî, min telefona xwe derxist û strana çiyayê sîpanê hem ji dengê hozan serhat hem jî ji koma mizgînê çend car li ser hêv guhdarî kirin.

ew berbanga ha qet ji bîra min naçe, aniha jî kêngî ji milkê romiyan biecizim, ji dîmenên xwezayê wan bitengijim evê stranê vedikim, çavên xwe digirm dikevim xeyal û mitalayan..

ger rêya we bikeve wanê bilêta xwe ji paldanka hêla çepê bistînin û herin, piştî ku hûn tetwanê derbas kirin li hêla qeraxê binihêrin bi qewlê stranê 'kî here axa tetwanê wê bibîne çiyayê sîpanê...

ji dengê koma mizgîn





ji dengê hozan serhat







dîmenê ku derdikeve pêşberî we



Here lînkê



15.11.2015 13:32 ~16:56 | ferhenga şikestî

2. bilindahîya wê 4058 mêtre ye. di nav çîyayên kurdîstanê da sîpan, dilê min de cîhêkî zehv taybet digre. ez dikarim bêjim hema hema zehfayîya emrê min bi şahîdtîya çîyayê sîpan ve derbas bûye.

bi vê sedemê sondeke min heye : ''aha sîpan şahidê min e ...''



ew çîyayekî zehv bi heybet e.

alîyê wanê da li ser behra wanê bilind dibe meriv qey dibêje çîya nav gola wanê da bilind buye.

li alîyê panos û milazgirê da jî li ser deyşta milazgirê bi heybetîkî xwe dixemilîne.

li elcewazê, tetwanê, xelatê, qopê, erdîşê, arnêsê.. her navçeyekî xemla xwe di nav bedewîyekî de nîşan dide.

evîna sîyabend û xecê xwe da dihewîne.

li ser jora wê goleke volkanÎk heye. sandoqek jî heye, di hindirê sandoqê da jî defterek heye.

wanê ku hilpaz dibin ser tepa sîpan di vê defterê da navê xwe falan dinîvîsin.

ew çend sale ez jî dixazim hilpaz bim hema kesekî ku min re hevaltîyê bike heta niha derneket :(



havînê bi îzna qereqola elcewazê meriv dikare hilpaz pe.

turîst hay lo lo jî avusturîa tên çîyayê sÎpan hilpaz dibin.



ez jê ra dibêjim buka gelê min e. weey wey min niha zehv bîrê kir.



01.04.2016 11:53 ~12:06 | bûtîmar

3. Du roj ewil min dîna xwe day ku berfa ser kêm bûye. Ji ber ku ewrên baranê li ser Sîpanê de şilî dibarandin.

lê îro dîsa li ser çiyayê Sîpanê berf barî.
Vê êvarê ez kar derketim hewa zehv sar bû û min wî alîyê nihêrî lî ser çiyayê eledaxê (piçek) vî alîyî jî li ser Sîpanê berf barî bû.



23.06.2017 01:51 | bûtîmar

4. Hunermend rojda ser vê çiyayê distre. Strana xwe berî mehekê bi klîbek li ser kanala xwe parve kir. Li gor agahiyên parvekirinê gotin û muzîk aidê rojda ne.





Dilê min bû behra wanê
Dikele difewre
Bêje Çiyayê Sîpan
Warê evîndaran
Warê Xecê û Siyabend
Warê Memê Alan

Were lo were lo
Ez birîndar im lo

Bêje çiyayê sîpan
Nazik û nazdaran
Bi şîr û şerbetan
Bi gul û beybûnan
Te têr xwe xemiland
Ew kir mêvanê xwe

Were lo were lo
Ez birîndar im lo

Bi çavê siyabend
Tu min mêze kir
Ax çiyayê sîpan
Warê evîndaran
Xwe zû bixemilîne
Ji boy evîndaran

Were lo were lo
Ez birîndar im lo



23.08.2021 20:18 | kajav

5. çiyayê çarem yê herî bilind yê kurdistanê ye. berî wê, agirî, reşko û cîlo tên.



29.12.2021 01:07 | berxweda

6. Çiyayê ku serê êvarê li wanê (gundê meleqasim) wiha tê xuyan:
Here lînkê



07.08.2022 16:46 ~17:14 | pêşewa

Hemûyan Bixwîne

dengdanên dawîn (yên din..)
xewa sibeyê [5]
Dapîra min digo: Çavan rihet dike xew Dilan rihet dike dew Mêran...
paşeroj û pêşeroj [1]
nivîsa ku @berevaji li ser bloga xwe weşandiye, bawer im wê îzahata /1...
paşeroj û pêşeroj [3]
wek li gor nivîsa berevajî û entrya ewil a vê mijarê ya rastî mijar hê...
paşeroj û pêşeroj [1]
deham evdilfetah vîdyoyekê xweş bo tevlihevkirina paşeroj û pê...
paşeroj û pêşeroj [1]
paşeroj û pêşeroj/17565 hewqas hêsan e. lê li gorî nivîskaran wateyên van peyvan diguhe...
belki ev jî bala te bikişînin
» çiyayê mizur
» sîpanê xelatê

Kategoriyên mijarê:: yendin jiyan zimanpeyv
nivîskarên ku li vê mijarê nivîsîne


sitemap
reklamokên beredayî