1. madem endazer beg dibêje kurdên anatoliya navîn qebûlkirin û piştrastkirina dagirkiriyê ye, em jî mijarê wiha vekin. Kurdên ku li gundên çend navçeyên Qirşehîr, Qonye, Enqere, Aksaray û Yozgatê belav bûne ne. Ew kurdên ku 200-500 sal berê ji Kurdistanê çi bi dilê xwe, çi ne bi dilê xwe bi wir ve koçber bûne û li wir ji xwe re cih û war danîne ne. Ji her beşên Kurdan nimûneyek, Şêxbizinî, Kurmanc, Zaza li wan deran belav bûne. Lê bi pirranî Kurmancên ku bi devoka Semsûrê/Meraş/Entab deng dikin in. Bi sedsalan berê ji Kurdên Kurdistanê qetiya bin û pê re zêde danûstandin tunebe jî, hîn 300-400 sal şûnde jî bikaranîna eynî biwêj û peyvên ku li Semsûr-Meraşê tên bikaranîn, neguherîna zêde ya di zimên de, tiştekî ji min re pirr hêjayî balkêşiyê ye.

2. li vir Here lînkê gotareke xweş û hêjayî xwendinê ya rohat alakom heye, li ser kurdên anatoliyayê. bixwînin!

3. Bi rastî meraq dikim, gelo rewşa çand û zimanê wan kurdên anatoliyayê bi qasî ku mîllet dibêje parastîye û heta îro hate mihafaze kirin an na? Herçî be jî, bi ditîna encamên hilbijartinê 2018'an li du navçeyên Konyayê; Cîhanbeylî (%30 Hdp), Kulu (%22) û Boztepe ya Kirşehîrê (%18) gelek şaş dimam.

4. haya kesî ji eşîra karacakürt heye qê? dibêjin safî tirkmen in û ji sedsala 14an wê de niştecihên Kirşehirê ne. Bes navê wan herçiqas karacakürt be jî ti eleqeya wan bi kurdbûnê ve tuneye. Ji belgeyên bîzansê (dêr û manastir) bigirin heta salnameyên osmanî wek tirkmen derbas dibin. bi min jî navê kurt û kürt li hev aliqîne û navê wan wisa belav bûye, weka komara başkurdistanê.

5. îro haya min jê çêbû ku li bajarê tokatê 2 gûndên kurmanc hene. di şêrê 1893an de ji gurcîstanê reviyane û li tokat/nîksarê bi cîh bûne. piştî nêzîkî 150 salan gelek ji wan kurmanciya ji bîr nekirine.