1. kêmasiyeke mezin e.. serê ewil kêmasiya kurdên zaza ye, çawane heta niha nekarîne hêz û qewet û derfetên xwe bigihînin hev û ji xwe re kanalekÎ bi ziman û zaravayê zazakî weşanê dike damezrÎnin.. û biçekî jî eyb û kêmasiya pkkê ye ku jê re tevgera azadîxwaz a kurd jî dibêjin.. ji bo êzidiyan bi navê çira tv, ji bo rojavayê kurdistanê bi navê ronahÎ tv, ji bo soranî û başûr û rojhilatê kurdistanê, newroz tv heye, lê ji bo kurdên zaza nekarîne kanalekî vekin..

ez bawerim ji bo nimûne dibêjim eger derdora weşanxaneya wateyê ku pirtûkên bi zazakî çap dike, hawara xwe bigihîne hikÛmeta başûrê kurdistanê û jê alîkariyê bixwaze ji bo danîn û damezrandina kanaleke bi zazakî, hikûmeta kurdistanê wê vê yekê ji xwe texsîr neke, û çi lazim be wê bide..

2. kêmasiyeke gelek gelek zêde ye, lê pirsgirêk ne tenê ew e ku tu damezirînî, piştî ku te damezirand tu ye çawa xebatê bikî? ji bo kurmancî em dikarin bêjin ku kêm zêde kurmanc hene bi qasî ku bikaribim xebatên weşanê bikin lê bi zazakî? hama bêje qe nîn e, ez bixwe zaza me û ji hêne me lê dikarim sond bixwim ku dema kanaleke zazakî bê damezirandin dê temamî hênê bi tenê wê kanalê temaşe bikin..

lê pirsgirêkên zaravayê zazakî ne yek e ne jî didu ye, gelek in, yek ji wan ev e ku gelek devokên ji hev cuda hene, ez mînakeke pir piçûk bidim; di navbera hêne û pîranê de nêzî 20 km heye lê em ji hev fêm nakin, hevalekî min î zaza yî ji pîranê heye, dema ez dipeyivim ew fêm nake dema ew dipeyive ez fêm nakim(di sedî de ancax pêncî em dikarin li hev bên?)

jixwe ne hewce ye behsa zazakiya dêrsimê bikim, wehdê xwedê be ku peyvek jî ji wan fêm nakim...

dema ku tu kanalê ava bikî devoka weşanê xwe li gorî kîja herêmê bikî? heke tu li gora herêma dêrsimê bikî herêmên din dê nikaribin fêm bikin lewma jî ez ne bawer im temaşe bikin, di warî xebata zimên de mixabin zazayên me yên sersar û teral gelek dereng man. cardî dibêjim mixabin, ne meteryal heye ne helbest heye ne roman ne jî tiştekî din! yên heyî pirr kêm û nîvco û qels in mixabin..

3. Bi zazakî helbest jî roman jî hîkaye jî hene. kovar û rojname jî hene. li gor min êdî behane nemaye. televîzyonekî kulturî şert e.