1. peyvekê xweş a kurdî ye. hinin li cihê wê peyva oldar bi kar tînin, lê bi min ev xeletî ye. lê her kes bi xwe ye.

mumînî û dîndarî ne yek tişt in. kesek dîndar di heman demê de mumîn e, lê her mumîn ne dîndar in. mixabin ev her du peyv gelek caran li şûna hev tê bikaranîn û bawer im li bin bandora tirkî tiştekî wiha derketiye. her wiha mumîn ew kes in ku îmana xwe bi xwedayê îslamê tînin. dîndar jî ew kes in ku him baweriya xwe bi xwedê re tînin û him jî emr û îbadetên xwedê -kêm an zêde- disepînin, guh didin wan, wan tînin cih wekî nimêjkirin, rojîgirtin, mirov nekuştin, xeber û heqeret nekirin, heram nexwarin hwd.

li vir pileyên dîndarî jî hene. ji ber ku hinin kes hene salê carekê meha remezanê 30 roj bi temamî rojî digirin lê xêncî nimêjên cejnan serê xwe danînin ser sicadeyê. aliyê din hinin hene di hemû emrê xwe de di 5 wextên nimêjê de hazir bûne lê rojekê jî rojî negirtine. an jî hin kes salê du sê meh nimêj dikin, di meha remezanê de çar pênç rojan rojî digirin. hwd... ev hemû jev cuda ne. lê kesek nikare ji kesekî din ji bo sepandina dînê rexneyan bike, ji ber ku dînê her kesî ji xwe re ye.