. fîlmekê honaka zanistî a ji rêzê ye. zengînekî çavsor dixwazî li fezayê cihekî jînbar kişif bike û şertên jiyînê çêbike. bo vê armanca xwe labaratuarekê qerase li san franciscoyê ava dike û tê de nêçirên xwe yên hevdayî bi riya zanyaran vedikole. ev heyberên herikbar ên ku vî mêrikî hevdaye sîmbîyotîk in û nikarin li ser rûyê erdê bi tenê serê xwe bijîn. pêdiviya wan bi bedenên mirovan heye. li aliyekî jî nûçegihanekî heye (tom hardy delalê min), ji ber ku xebatên qirêj û derehlaqî ên wî mêrikê zengîn û labaratuara wî vedikole, ji karê tê qewirandin. zanyarekê wê labaratuarê ji ber prensîbên etîk xwe digihîne vî nûçegihên û qala xebatan dike. di wê kêliyê de bûyera bingehîn a çîrokê dest pê dike. heke wextê we hebe, hûn dikarin lê binerin. yanî tom hardy heye. hîç. * ji xwe hollywood ji aliyê efektan ve pir serkeftî ye, çavê mirov têr nebe jî kêfxweş dibe. lê ji aliyê senaryoyê ve tu nûbûnekê berbiçav tê de tune ye. bi ser de sîmbîyotîkê nav venom kengî û çima ji cîhanê hez dike û biryar dide ku li hemberî qewmê xwe şer bike, mirov fêm nake. hewqas senaryoyekê qels e. ya duda jî hatiye derhênanîn lê hîn neketiye înternetê: (bnr: Venom: Let There Be Carnage)