Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    16 mijar û 19 peyam

    qûnde

    3. Tevî ku ez dijberim jî, kesên ku binavkirina şeklê jiyana wan an jî têkiliyên wan ên bi mirovên hemberî cinsên wan heq nakin bi peyvên ku wateyên heqaret li wan hatiye barkirin bên navkirin. Heqaret, xwî kirin, nefret û hwd. îşaretên psikolojiya zorkanin û herdem paşverutî û negihîştiniya mirovan nişan didin. Rojek wê bê ku wê mirovahî rewiştekî nû avabike, ku wê peyvên heqaretê ji ferhengên civaka xwe û exlaqê xwe derînin. Li hemberî bûn a vê realiteyê an jî kirûyê divê di bin sernivîsek din de bê nirxandin.



    2013.07.24-03:54 | tîrbaran


    civîna tirşikvanan ya li selmê

    1. civîna ku hîn tarîxa wê nehatiye diyar kirin, e. aniha du nivîskaran gotine emê beşdar bibin. Yên bixwazin beşdar bibin bila ji min re bê jin. li gor wê ezê tarîxê diyar bikim. ferqa vê civînê û yên din ev e; ev civîn dê di nav xwezayê de li ber erdekÎ, bin dareke mezin ya tûyan pêk bê û dê xwarin jî hebe av û dew jî. yanê wê civînek xwezayî be. her tişt wê li ser min be. heqê xwarin Û vexwarinan çi be ezê bidim. de îja hûn û kêfa xwe ne. *



    2014.03.26-20:45 | mergehez


    derbas bûn

    1. bihurîn, di rê an bihur û cihokekî de çûna tiştekî an kesekî, bi hereketê dem û deverek li pişt xwe hêliştin.. bikaranîneke şaş ya vê peyvê wekê ev peyv di ferhengê de derbas nabe ku mantiq rasterast ji tirkî hatiye wergirtin xwe li newqa kurmanciyê girtiye.. lê awayê rast ya wê bikaranînê ev e; ev peyv di ferhengê de nîne, ev peyv di ferhengê de cih nagire, ferhengê ev peyv li xwe negirtiye filan..





    beyanî baş kurdistana min

    1. xweşstraneka xweşnav têlo ye. di nav albûma gazin ku albûma sêyemîn e û sala 2003an de derketiye, cih digire. ji ber terza xwe di nav mûzîka kurdî de ciheke taybet a vê stranê heye, ez dibêjim qey yekemîn strana kurdî ye ku bi terza country music hatiye çêkirin. gotinên stranê û vîdeoklîba ji bo stranê hatiye çêkirin jî gelekî xweş û dilveker in.












    Berê sibê

    Dilê min tê

    Dilek bi destnimêj, ji xunavên te

    Gel tavek rûbiken

    Em bo te dibêjin:

    Siba te bi xêr, siba te bi xêr!

    Siba te bi xêr!

    Axa ji zêr

    Deşt û çiya

    Dar û giya

    Siba we bi xêr!

    Siba te bi xêr Kurdistana min!



    Beyanî baş

    ji dûr tête dengê aş

    Çavên xilmaş

    Beyanî baş



    Hêlînên kew

    Yara bedew

    Hîvek çav li xew

    Beyanî baş!

    Beyanî baş kurdistana min!



    Destên nav kar

    Şanên bin bar

    Mizgeft û dêr

    Siba we bi xêr



    Keriyên belav

    Rûbar û sulav

    Nêrgizên xewîn

    Yara şêrîn, siba te bi xêr

    Siba te bi xêr kurdistana min!

    Beynît baş kurdustana min!



    2016.07.30-08:48 | endazer


    tirşik caps

    38.



    2015.03.25-10:09 | ceso


    tirsik.net

    188. agahî: mirov dikare çeppik û dengdanên xwe yên din jê bibe. tenê herin panela xwe û ji wir jê bibin *

    sîstema nû ya tirşikê/50887



    2015.11.10-22:00 [guhertin:2015.11.10 22:01]| simurg56


    formata tirşikê

    39. bila di vir de heqerata hemberê rêxistinên ku di navê wan de kurdistan dibore qedexe be! û rêxistinên girêdayiya wan!



    mînak dema ez heqaretê kîjan serokê rêxistina navê wê de kurdistan hebe bikim bila ez ji vir bêm dûrxistin.



    mînak çi kesê ku heqaret li serok Apo li Partiya Karkerên Kurdistan bike bila ji vir heya demekî aqlê wî hat serê wî bê dûr xistin.



    Kesê dibêje ez kurd im ne xwediyê mafê heqaretan e. dibe ku tu ne pkkyî bî lê ew gelê ku tu netewperweriya wê dikî piranî pkkyî ne û ji Abdullah Ocalan re dikarin canê xwe bidin. yekî kurd mecbûr e vê li ser milê xwe de bibe. ha dikare siyaseta wî rexne bike bêje ev ji bo kurdistanê şaş e lê nikare wî bêîtîbar bike û heqaretê lê bike. heqareta li wî hatî kirin li hemû hezkiriyên wî tê kirin.



    ji xwe mafê tu kesî tune heqaretê kesekî jirêzê jî bike. îcar radibin heqareta serokên kurdan dikin. tu wî serok nabînî ser serû çavan, lê tu mecbûr î rêzê bidî yên wî wekî serokê xwe dibînin...



    2015.04.19-23:29 | mele ehmedê nalbendî


    li gor îstatîstîkên di tirşikê de bo jinek heft mêr hene

    4. "bo jinek heft mêr hene" çi hevokek rezîl e. yê ku vê mijarê vekiriye dibêje qey tiştek pir komîk kiriye ji bo xwedê? ohtomolo moyono molo por hondok o.



    2016.03.31-14:09 | roza


    şewata laşê mirov

    1. şewat yek ji brînên herî xedar e. di jiyana rojane de, gelek qezayên biçûk an jî mezin, dikarin bibin sedema şewatê. li gorî cih, firehî, kûrahî û sedema şewatê cîdîyeta şewatê diguhere.



    ji berê, piraniya nexweşên şewatê dimiriyan. ji ber ku ev birîn, dibin sedema ku laşê mirov di demek gelek zû de germahî, av û elektrolîtên xwe wenda bike û bimire. lê piştî ku cûreyên seruman û sepandina wan berbilav û hêsan bû, êdî piraniya nexweşan ji mirinê difilitin.



    lênêrîna nexweşên şewatê, ne tiştek hêsan e. divê tecrûbeya mirov hebe û gelek bi baldarî were kirin. loma îro hema bêje li hemû bajarên mezin, navendên şewatê hene. li bajarên mezin, nexweşên şewatê tên rêkirin li van navedan.



    di nirxandina nexweşên şewatê de, mîa hemû travmayên din divê mirov pêşîn riya nefesê kontrol bike (airway). di hinek şewatan de stadina nefesê zehmet dibe û pêdiviya entubasyonê çêdibe. şewatên der û dora devê nexweş, hebûna şewata mûyên pozê nexweş, şewata nazofarînksê û hwd. îşaretên vê pêdiviyê ne.



    di nexweşên şewatê de divê tu caran weke proflaksîyê (pêşîlêgirtin) antîbîyotîk neyên bikaranîn. ji ber ku ev yek dikare bibe sedem ku di birînê de mîkrobên gelek bihêztir zêde bibin. û wê ev bakterî, bi antîbîyotîkan nekarin werin dermankirin. lê divê demildest derziya tetanozê were çêkirin.



    ji bo ku tedawiya nexweşê şewatê were hesabkirin divê firehiya qada şewatê were hesabkirin. ji bo vê hesabê formûlek gelek hêsan heye: formula nehan(9). li gorî vê formulê ger laşê mirov %100 be, berê mirov û pişta mirov her yek %18 e, her lingek %18 e, her dest û çengek mirov %9 e, serê mirov %9 e û herema genîtal jî %1 e.

    weke mînak ger nivê pişta lingê we şewitîbe, em dikarin bibêjin ku %4.5ê laşê we şewitiye. ev hesab girîng e, ji ber ku serum û dermanên din li gorî vê rêjeya şewatê, tê hesabkirin.



    ger di şewatê de agir û dûman hebe, wê demê divê haya mirov ji rîska jehrîbûna karbonmonoksîtê hebe. ji bo vê yekê li mijara jehrîbûna karbonmonoksîtê binêrin.



    4 cûreyên şewatan hene. yanî li gorî sedemên wan sê cûre ne: kîmyewî, elektrîk, radyasyon û termal(germahî). şewatên termal jî dikarin ji ber avên germ, dest pêvedana tiştek germ an jî ji ber agir bixwe çêbe. di nav van de ya herî zêde tê dîtin, şewata agir bixwe ye. her wiha şewata herî bitalûke jî ev e. ji ber ku piranî ev şewat ji ber şewatên xaniyan fîlan tê dîtin û di van şewatan de piranî jehrîbûna karbonmonoksîtê jî pê re heye û ev yek rîskê gelek zêdetir dike.

    taybetiyeke şewatên elektrîkê jî heye: di van şewatan de rîska xerabûna rîtma dil, heye. ji ber ku dilê mirov jî bi sînyalên elektrîkê dixebite, elektrîka ji derve hatî, dikare rîtma dil xera bike û bibe sedema mirinê. her wiha ev cûre şewat (ger bi voltajek bilind be) dikare bibe sedema rabdomîyolîzê û sendroma kompartmanê û ev yek jî dîsa rîtma dil xerab dike.



    şewatên kîmyewî jî dîsa xwediyê taybetiyên xweser in. di van şewatan de lazimiyeke mezin ya tedawiyê ew e ku ew madeya kimyewî, ji laşê nexweş were bidûrxistin. ji bo vê yekê, birîn divê herî kêm 30 deqe bi avê were şûştin. lê tenê ger ew made, toza karbonatê be, berevajî şewatên din yên kimyewî, divê birîn neyê şûtin lê bi firçeyekê were şûştin. ji bo ku bi avê, bêtir aktîve nebe.



    astên şewatê 4 in: şewata seresere(yekemîn), şewata nîv-qet (duyemîn), şewata tam-qet(sêyemîn) û şewata asta çaremîn ku raçînkên bin çermê (hestî û masûlke) jî şewitîne.

    di asta yekemîn de êşek gelek mezin heye. (ji ber ku serê rehikan (sensorên norolojîk) neşewitîne/nemirîne) di asta yekemîn de balonokên avê tune ne. Di asta duyemîn de balonokên avê û serdeçûna çermê çêdibe. Di asta duyemîn de jî dîsa êş heye. Di asta sêyemîn de dîsa balonokên avê tune ne lê di vê astê de êdî êş jî qet tune ye, ji ber ku rehik nemaye ku êşê binase haya mejiyê mirov jê çêbike. Di asta çaremîn de masûlke û hestî jî şewitîne.



    di tedawiya şewatan de, ji xeynî lênêrîna birînê û tedawiya wê, gava herî girîng dana seruman e. di şewatê de laşê mirov gelek gelek zêde avê wenda dike, ger bi seruman ev ava wendabûyî neyê bicîkirin, laşê mirov nikare vî barî rake. ji bo hesapkirina pêdiviya laşek şewitî, gelek formul hene lê ya herî populer formula parkland/baxter e. li gorî vê formulê pêdiviya serumê ya laşê mirov, 3-4 ml/kg/%(rêjeya şewatê) ye. piştî hesabkirina, nîvê ev qas seruma rînger laktat di 8 saetên ewil de, nîvê din jî di 16 saetên dûre de, tê dayîn. piştî vê pêvajoyê, êdî pêdiviya avê wê li gorî derketina îdrarê were rojanekirin. ji bo ku mirov bizane ka organ û raçînkên nexweş birastî av/perfûzyona pêwist distînin an na, nîşaneyên herî hêsan û kêrhatî derketina îdrarê û tansiyona. herî kêm 30cc/saet derketina îdrarê û 60 mmhg pestoya navînî ya xwînê piranî bes e. di gelek nexweşan de, pêdiviya serumê, ji encama formula baxterê jî dibore ya rastî. bi dozek bilind dayîna vîtamîn c'yê, dikare pêdiviya avê kêmtir bike.



    şewatên înhalasyonê, ji ber dûman û hwd. şewitîna riyên nefesê ye. di gelek şewatên agiran de ev şewat jî pê re heye. ger şewata înhalasyonê an jî pnomonî jî lê zêde bûbe, wê demê îhtîmala mirinê %60 zêdetir dibe. piştî şewata înhalasyonê, di mezinan de îhtîmala pêkhatina (bnr: ards)'ê heye ku ev yek îhtîmala mirinê nêzikî %100ê dike.

    di şewatên înhalasyonê de, dûman di riyên nefesê de dibe sedema odem'ê û ji ber vê yekê heye ku riyên nefesê bixetime. wê demê pêdiviya entubasyonê çêdibe yanî divê nefesa mirov bi makîneyê ve were girêdan. weke din madeyên kîmyewî yên di dûmanê de, dîsa zerarê didin pişê û di encamê de di pişê de odem, herîbûn û xetimîn pêk tê, tabî di dawiyê de jî ards. di tedawiya şewatên înhalasyonê de, tedawî palyasyon/piştgirî e. ji bo vê yekê bronkodîlatator dikarin werin bikaranîn ji bo firehkirina riyên nefesê. n-asetîlsîteîn weke antîoksîdanek, dikare alîkarî bike.



    di tedawiya birînên şewatê de gelek merhem tên bikaranîn. di nav van de yê herî populer sulfodîyazîna zîv e. ev merhem gelek kêrhatî ye û erzan e. ger di birînê de greft (çermek ji dereke din ya laşê mirov hatî anîn) wê demê divê ev merhem neyê bikaranîn ji ber ku wê greftê têxe rîskê. sulfodîyazîna zîv, her wiha him efeksîyonê tedawî dike him jî pêşî lê digire. mafenît asetat jî dîsa antîmîkrobîyalek gelek baş e.



    di nexweşên şewatê de xwarin/vexwarin zêde zêde girîng e. belkî ji bo tu nexweşan, ne evqas girîng be. ji ber ku dema şewatek cîdî bi nexweşek re hebe, metabolîzmaya bedena wî/wê heta bi qasê %200 zêdetir dibe. ger beden nekare vê kalorîyê peyda bike, wê demê wê masûlkeyan bihelîne da ku enerjiyê peyda bike. ji bo hesabkirina enerjiyê jî gelek formul hene.



    di tedawiya birînên şewatê de , şoreşa mezin di tedawiya wan ya cerrahî de, pêk hat. berê qalikên li ser birînê (eskar) dihat parastin. lê êdî hat fêhmkirin ku ev eskar çiqas zû were standin, birîn ewqas zû û baş sax dibe. ji ber ku eskar bandora turnîkeyê dike û bi vî awayî nahêle xwîn were birînê û jê here. ev yek jî bandorek gelek neyînî li başbûna birînê dike. loma di rojên ewil de divê ev eskar werin standin. ger pêwist be divê her roj ev çalakî were dubarekirin. heta ku di binê birînê de raçînka saxlem û xwînîbûna wê were dîtin.



    2016.08.11-23:57 | simurg56


    dengdanên dawîn (Yên Din..)
    jasmine choi
    Flûtvanekî ji korêya başur e. Mirov dibêje qey tilîyên wê makîneyek j...
    ji bo her reşşikek rojek nenivîsandin
    Ji bo bila tirşik vala nemîne tiştên vala nenivîsînin heyran. Di binê ...
    ji bo her reşşikek rojek nenivîsandin
    Ji bo bila tirşik vala nemîne tiştên vala nenivîsînin heyran. Di binê ...
    baran
    filma ku ji alîye majid majidi hatîye kişandin.majîdî di filma xwe da ...
    kartol
    tiştê ku elman jê re dibêjin kartoffel e....
    belki ev jî bala te bikişînin

    Kategoriyên mijarê::

    sitemap
    reklamokên beredayî