212. gidîî dinyayê, kî digo rojek wê bê û ez ê bêriya shorbevan bikim? ;)

ez dibêjim qey tekane kêmasiya wî, hay ji wê mîrata estetîzmê nebÛ, nedizanî an pêdivî pê nedidît wekê min û yên din peyamên xwe biedilîne, bixemilîne, bi çavê yê ji derve li peyamên xwe binêre û bixwîne.
erê gelek peyamên wî, ji bo xatirê nazimê tolhildêr*) em bêjin pirraniya peyamên wî pûç û vala bûn, tişteke nû nedigotin, carina min digo qey bi xwe nikare, ''tiştên di dilê xwe de ji xwe re dibêje'' ango monologên xwe tê û di tirşikê de dinivîse, lê gelek peyamên wî yên têr û tijî jî hebûn. ez gelek caran dihesidîm kurmanciya wî, bi kurmanciyeke gewr dinivîsî, nedialiqî, bi zimaneke xweş û rewan pêde diçû, ez jê hînî gelek biwêj û pêgotinan bûm, j bo civatan min gelek mesele jê girtin.
û gelek tiştên din..
li gorî min astengkirina shorbevan tişteke zêde absûrt e, tu sebebeke maqul jê re nabînim, hinek nivîskaran digotin ji ber shorbevan dilê me ji tirşikê sar bûye, me navê wekê berê di tirşikê de binivîsin, em berê xwe bidin kîjan mijarê liqay peyamên vik û vala yên shorbevan têne.. filan... dibêjin ''pisîkê nekarî rapelike dîwêr, rabû milkis bi dûvê xwe ve kir'' ez dibêjim qey hinek nivîskaran jî shorbevan ji tiraliya xwe re kirin hêncet ;)

axirê ya bûyî bû û ya çûyî jî lêda çû. sorbevan eger vê peyamê dixwînî, li xwe miqate be ;)