22. Te go Erê

Tû wek qirediyeke ku bi ribayeke giran ji banqe hatibê kişyayî îro

Mîna lêkolînên bewateyî zanyarên swêdî

Mîna wan japoniyên ku bes silav didin her dibişirin

Loma gomlekê te îro bexteware, qey li Marsê av ditiye

Wekî ambûlaseke ku di wextê xwe de neyê diçilwîle etegên te

Destê xwe dirêj dikî,dikenî jê pirsgirêkên hewayê dibere

Belkî ba,belkî şilope belkî pêtir qeşa

Dinya germ dibe, cemed dihelê tû hay jê nînî.

Rojhilata navîn xwîn dikele ew jî hay ji te nîne

Ew panda hebûn tê bîra te

belkî bo xatirê te carkî bazdin ser hev

Lê hirçê qûtban tiştekî ji te fêm nakin, ez jî

Ka hele were xwedêkî tu ji kijan çîrokêyê

Keliyekê rûnê ka ev çay çima dereng ket

Hejmara merîdyane ji te re derd nîne

Ji min re jî

Te îor dîsa kurdenek nîne bo xwedê

Lê ew çay çima wiha dereng ket gidî

Lê heqet, mixabin û quzulqurt tu çima wisa bedawî.