1. yek ji armancên sereke yên avakirina tirşikê ye lê mixabin hîn ew şert û merc pêk nehatine, ku bêyî ku mirov serî li ajans û malper û rojnameyan bixe, bikaribe bi riya tirşikê ji rojeva kurdistanê agahdar bibe..

çend sebebê bingehîn yên vê yekê:

-kêmbûna nivîskarên tirşikê..

-kêmbûn hetta tunebûna nivîskarên ji parçeyên din ên kurdistanê..

-apolîtîkbÛna nivîskarên tirşikê, yên polîtÎk jî an mûrîd in û bûne êxsîrê qebûl û qalibên xwe an jî bi qasê ku dilê mirov ji siyaseta kurdistanê reş bikin tund û tûj û dijwar in..

-sînorên aqlî û fikrî û siyasî yên di navbera parçeyên kurdistanê de.. hê jî tu toreka çapemeniyê ya kurd nekariya bibe berdevka temamê rojeva kurdistanê, ji bo nimûne hema bêje her du rojan rojekî ciwanek li rojhilatê kurdistanê tê şeniqandin lê di çapemeniya kurd de ji xeynî nûçeya daleqandinê em rastî tu nûçeyeke din ya li ser çîroka ciwanên têne daleqandin nayêne..

2. ya ku bi ya min yek ji sedemên nebûna wê jî ew e ku mixabin rojeva kurdistanê de tiştên erênî gelekî kêm in û hema bêje tevahiya bûyeran li ser kuştin û şeran in.

3. Xwezî Her roj çend nûçeyên rojeva kurdan bi formata tirşikê di nav mijarên dawî de hebe.

Herwiha rojeva dinyayê jî giring e minak: (bnr: vîrûsa koronayê).

4. "ronahî, zêdetir ronahî". zêdetir rojev, zêdetir karûbarên rojane,

5. her tirşikvanek di bajarê xwe de tiştên ku qewimî binivîse li vir û me pê agahdar bike, wê hêdî hêdî em ê rojeva hemu aliyê welatê xwe xeberdar bin.

6. tişta tê kirin lê kes li bin nanivîse. belku di van rojên çalakbûna tirşikê de mijarên derbarê rojevê de jî werin vekirin û peyam werin nivîsîn.

7. li rojava ewqas zaningehên bi kurmancî hene. çima tew kesek ji rojavayê nayê li wir nanivîse.
dibe ku tirşik li rojava qedexe ye.
lê mêze dikim li ser platformên weke twitterê ji kurdinûsên rojavayî zêde tinne ne. ma ew der azad nebû? ma ew hê jî erebî bikar tînin. pir merax dikim.