1. li bakurê kurdistanê û li tirkiyê bi awayek cemed û seqem derbas bû - dibe. li gor salên berê sartir û şilîtir derbas dibe. piraniya şilîyê weke berfê barî. li serhedê, botanê û li herêma zagrosê ji 3 hezaran bêhtir riya gundan hate girtin. taybetî li serhed û colemêrga zagrosê berf bi ser wesayît û xaniyan kete. li bajarên ku ev çend sale berf lê nebariya bû jî berf bariya. heya li navenda hesekêya rojava jî berf barî. herweha bajarên tirkiyê yên weke stembol û antalya jî di bin berfê de man.

îsal gelên kurdistanê û tirkiyê ji berfê têr bûn û hesreta çend salan bi dawî bû. li ser medya sosyal bi rojan parvekirinên ji dîmenên berfê dewam kirin.bi saya serê vê berf û seqemê hêvî dikim ku havîn li gor par hêniktir derbas bibe. çiku her sal pileya germahiyê zêde dibe û êdî havînî li bajarên weke êlih, amed, mêrdîn û rihayê jiyan zehmettir dibe.

2. li gor xebera pêşiyan çileya erbeîn wihareng e. ya ecêb çileya kurdî jî 40 e, erbeîna erebî jî 40 e.

mînakek din: Qeladizê. Qela: keleh, diz yan jî duz: ew jî keleh e.

3. Çileya ku nahêle dest û nigên mero heta di nav lahêfan de germ bibe. Xwedê zani ajalên ku li derve ber vê sirûseqemê de dimînin çiqas tehdê dixwin. Û gava ku nava wan vala bî yanî birçî bin 2 carî ji wan re zehmet e.
Nîşe:
Di van rojên cemidî hama çi ji ber sifra we bifilite: parîyek nan, hinik hestî,kulmek birinc/girar deynin qiraxekî ku ev ajal bicivin û zikê xwe têr bikin.