1. Navçeyeke wanê ye

2. Here lînkê

3. Di aliyê rûberê de mezintirîn navçeya Wanê ye, lê gelheya wê zêde nîn e, bi navend û gundewarên xwe qasî 40 hezar kes tê de dijîn. Di nava xelkê de wek payîzava nayê zanîn, Payîzava gundeke wê ye paşê bûye navê tevahiya wê. Xelk jê re dibêje xavesor an jî gulpinar. Xavesor naveke Ermenkî ye û wateya wê deşta hespan e. Tirk jê re dibêjin gürpinar, Îsmet Înonû ji ber gelekbûna avên vê navçeyê ev nav daye navçeyê.
Dahata navçeyê piranî bi ajalvaniyê û çandiyê ve girêdayîye. Deverên wek xoşeb, Nordiz û beşeke Feraşînê digre nav xwe. di zivistanan de gelek sar e û di havînan de gelek germ e, payîz û biharên wê gelek xweş in, di navenda wê da eşîra Birûkan û di gundewarên wê da eşîra Ertoşîyan hene. Ji Elbakê û ji Westanê rê diçin bo wê, wekî din rêya diçe Colemêrgê jî jê derbas dibe. Li çend cihên wê kargehên keviran û kolgehên kanzayan hene, zêr û komir û çend kanzayên din jê têne derxistin. Derdora navenda wê bi çiyayan dorpêçkirî ye û exlebê rûbera wê çiya û zozan in, avên wê gelek in. Li beşa başûr a navenda Wanê cih digre, di navbeyna navenda wê û navenda Wanê de qasî 20 an jî 25 kîlometran mesafe heye, hatin û çûna di navbeyna navenda wê û ya Wanê gelek hêsan e, otobêsên şaredariyê (saetekê carekê) û mînîbusên taybet(diyar nîn e li gor keyfa dilê şofêran) gelek in.