1. Nûra Qelban-Tefsîra Qur’anê ye. Tefsîra NÛRA QELBAN, di Kurdî de berfirehtirîn tefsîr e û bi tîpên latînî jî di warê xwe de yekemîn e. Ev tefsîr, pêşîn bi destxeta Erebî wekî neh cild, di şeş salan de ji hêla Mela Muhemedê Şoşikî yê xwedan-medrese û xwedan feqî û mucaz hatibû amadekirin.
Di Kurdî de, xebatên li ser qur’anê kêm in, xebatên mealî di van salên dawîn de zêde bûne, lê ji hêla xebatên tefsîrî ve valahiyeke gelekî mezin hebû. Di vî warî de çavkanniyeke berfireh tunebû ku nivşên nû jî karibin xwe bigihîninê û bi hêsanî jê sûd wergirin. Vêca bo ku her kes ji vê tefsîra Seydayê Şoşikî sûd wergire, Weşanxaneya Nûbiharê bi keda salan ew wergerande ser tîpên Latînî, zimanê wê sererast kir û wek şeş cild çap kiriye.
Ji hêla usûla tefsîrê jî, Nûra Qelban bêtir dişibihe terza Tefsîra Munîr, Sefwetu-Tefasîr û Tefhîmul Qur’anê. Ango bi awayekî hêsan maneya ayetan û mebesta wan zelal dike; bêyî ku dûrûdirêj li ser tehlîlên îbare û gramerê bisekine.
______________________
MELA MUHAMMEDÊ ŞOŞİKİ 4270 rûpel, 16,5 cm x 24 cm,
6 cild…İSBN 978 605 5053 12 3

Süleyman çevik