1. karek dûv û dirêj e, li ber me disekine. weke tê zanîn, êdî dema mirov mijarek nû vedike, mirov kategoriyên wê jî hildibijêre.

lê mixabin 17.000 mijarên kevin yên tirşikê bêkategorî ne. divê em wan jî ji serî ve kategorîze bikin ku arşîva li tirşikê êdî bi tikandinekê mîna daxwaza me rêz bibe.



li vê rûpelê Here lînkê mirov dikare wan mijarên bêkategorî bibîne.

li jora malperê navê mijarê dinivîse, divê mirov li jêr kategoriyên mijarê hilbijêre û paşê pêl "bişîne" bike.

(navnîşana vê rûpelê di bin menûya "yên din" de jî hat bicîkirin.)



di nav kategoriyan de opsiyona "ev tiştek kurdewarî ye?" jî heye. ger mijar tişt/kes/berhemek bi kurdî be, divê mirov pêl li vir jî bike.



em werin feydeyên vê xebatê:

weke piştî ku kategorîzekirina mijaran qediya;

- dema we li kategoriyên "kurdî ye" û "fîlm" kir: wê fîlmên kurdî hemû werin lîstekirin

- dema we li kategoriyan "kurdî ye", "helbest" kir: wê helbestên kurdî derkevin

- dema we li "kurdî ye", "muzîk" û "stranbêj" tikand: wê stranbêjên kurdî derkevin. an jî ger hûn pêl "kurdî ye" nekin, wê hemû stranbêj werin lîstekirin.

- ger hûn li "kurdî ye" û "ziman" û "biwêj" bikin, wê biwêjên kurdî werin lîstekirin.

- ger hûn li "dîrok" û "kurdî ye" bitikînin; wê mijarên di derbarê dîroka kurdan de, derkevin.

- ger hûn li "mîtolojî" û "kurdî ye" bitikînin: wê mijarên derbarê mîtolojîya kurdan de, derkeve.

- ger hûn "cih û war" bitikînin: wê mijarên di derbarê cih û war û mekanan de derkevin

û hwd.



yanî mirov wê bikare mijaran li gor daxwaza xwe kom bike.

weke din mirov wê bikare hinek kategoriyan asteng bike û êdî nebîne. weke mîna ger bixwaze wê êdî di tirşikê de mijarên siyasî nebîne.



ji kerema xwe re bila hemû tirşikvan bi qasê ji destên wan tê, alîkariya kategorîzasyona mijaran bikin.

û ji kerema xwe re em kategoriyan rast îşaret bikin. weke mînak, em ji bo nivîskarek kurd e lê bi kurdî nanivîse, kategoriya "kurdî ye" netikînin. û em ji bo her tiştî nebêjin "ziman". em tenê biwêj, gotinên pêşîyan û mijarên di derbarê rêziman de fîlan bi kategoriya "ziman" îşaret bikin.

2. agahî: kategorya dijûn û nifir jî hat çêkirin.

3. kategoriya nivîskar heye le belê kategoriyekî bi navê "tirşikvan" hebûya baş dibû, ji ber ku mîr û jan dost ne yek in.

4. heta niha bi sedan mijar hatin kategorîzekirin.

weke mînak bi xebata niha jî, hinek encam derketin holê:

weke mînak:

- mijarên di derbarê stranan de: Here lînkê

- mijarên di derbarê helbestan de: Here lînkê

- mijarên di derbarê stranan de:Here lînkê

- mijarên di derbarê dijûn, nifir û argoyan de: Here lînkê

- mijarên di derbarê fîlman de: Here lînkê

5. mixabin maye ser milê min.

min heta niha ji 2.000an zêdetir mijaran kategorîze kirin lê ger wisa here wê hê gelek dem bigire.

(bnr: alîkarî)

6. kategoriyeke bi navê nebat bihata vekirin dê pir xweş bibaya

7. agahî: kategoriyên ekonomî, nebat, ajal hatin çêkirin. kategoriyên ku zêde ne populer in hatin veşartin.

8. kategoriya pirtûk hinekî serê min gêj kir. ji xwe wêje-helbest heye. qey ji bo cûreyên nivîskî ya din hatiye tevlî lîstêkirin. wekî mînak pirtûkekî qala dîrokê/olê be. ya hebûna helbest û wêje? helbest ne wêje ye..ka ew bira hebe, hêsanî dide... ya stran/stranbêj û li hemberî wan hebûna kategoriya muzîk :/



EZ DİBÊJİM QEY BEŞA LÎSTİK Jİ PO SPORÊ HATİYE ZÊDEKİRİN. HEG NE WANî be... *

9. mantiqa kategoriyên giştî yên weke wêje û mûzîk ev e:

weke mînak mijara "dueta şivan perwere û îbrahîm tatlises". ev mijar ne stran e ne jî stranbêj e. lê tiştek derbarê mûzîkê de ye. loma em ê bêxin kategoriya mûzîkê. lê mijara "daristana te" stran e û wê bikeve kategoriya stran. bi saya vê yekê mirov ger bixwaze wê tenê mijarên li ser stranan bibîne, ger bixwaze wê tenê stranbêj bişopîne. û ger kategorya mûzîk bişopîne, wê demê wê otomatîkman her sê kategoriyên mûzîk, stran û stranbêj bişopîne.

bi saya vê sîstemê sibe dema te got li "stran û kurdewarî" bigere, wê tenê stranên bi kurdî derkevin. ger em her tiştên derbarê mûzîkê de têxin kategoriya mûzîkê, wê demê em nikarin lîsteyên wisa biafirînin.

ji bo pirtuk, helbest, filman fîlan jî wisa ye.



dema kategorîzasyon xelas bû, wê xendekî bikare bi tikandinekê hemû helbestên kurdî yên din tirşikê de bibîne.

10. kategoriya "sigmund freud" çi ye, nizanim, hema min qulipand. * zanistî?

11. kategorîya min tiştek jê fehm nekirîye û xuyaye ezê fehm nekim jî durî cenabê min de werin vî kerî ji vê avê derbaskin

12. kategorizeya zaravayan jî were çêkirin wê gellekî baş bibe. yekî/yeka li mijarên kirmanckî an jî soranî bigere wê hêsantir bibe.

13. kategorîzasyona ku wê ji bo zaravayan jî were çêkirin. lê di vê mijarê de hinek problem hene.

hinek mijara hene ku navê wan bi zazakî ne, temam em dikarin van mijaran weke zazakî kategorîze bikin, lê piraniya peyamên bi zazakî, kdi bin mijarên ne zazakî de hatine nivîsandin. weke mînak mirov dikare di binê mijara braveheart de jî peyamek bi zazakî binivîse. nexwe em ê vê mijarê jî weke zazakî kategorîze bikin? na çênabe.



şûne wê belkî em bikarin yek bi yek peyaman weke zazakî îşaret bikin, ne mijaran. em li seer vê yekê difikirin.

14. katagorîzekirineke baş e. lê gotina li jor a katagorîzekirina zaravayan ne tişteke rast û kêrhatî ye. ji xwe li vir em dixwazin kurd hemu bi hev re têkiliyan danin ji ber wê divê em rastî tiştên ne zaravaya me ne jî bên. hey ne bila tirşikeke zazakî jî vebe û hew. na. wextê ez peyaman dixwînim baş e ku ez rastî peyamên zazakî jî bêm û dibe ku ev tişteke nu jî li min bide hînkirin. û dibe ku zimanê me nêzikî hevudin bike û dibe ku rê veke em bi rehetî ji hevudin fêhm bikin.

15. kategorizeya ku nivîsîna kurmancî-zazakî-soranî asteng nake ye. tirşik wê her wek xwe be, tenê dema yek li mijar/peyamên zazakî-soranî bigere wê zûtir bibîne.

16. teqez divê kategoriya gotin/peyv jî hebe. di tirşikê de bi sedan mijarên wiha hene û meriv nizane bê wê wan têxe kîjan kategoriyê..

17. jixwe kategoriyên biwêj û gotinên pêşiyan hene. ji bo peyvan jî dikare were çêkirin, lê gelo wê kêrî çi were? ez bixwe van mijaran têdixim kategoriya yên din.



ji aliyê din ve jixwe ger mirov here profîla havka, dikare hemû peyvan bibîne *

19. kategorîzekirina ez qet serê xwe pêra na êşînim sernivîs vedikim û di sipêrim simurg56.

20. karekî dijwar e. carina 2-3 rojan qet naxebitim û têm dinêrim ka tirşikvanan xêra xwe çend heban çêkirine lê ohoo, hew dinêrim hê zêdetir bûne. êdî ez ê reşşik bidim tirşikvanên mijarên nû vedikin û kategoriyên wê nabijêrin *

21. wer xuya dike ku mijar dê neqedin. kengî bişkokê bibînim dikevimê çend mijaran çêdikim lê niha 11480 heb mijar hene. zor e zehmet e...

22. xebata ku hê jî negiştiye %50ê. divê hemû tirşikvan alîkarî bikin, nexwe zehmet e.

binêrin kêrî çi tiştên xweş tê: nûçedanka tirşikê/74605

23. (bnr: bixwerenedîtina kategorîzekirina mijaran)

24. tişta ez her mijarekê vedikim bicîh tînim. lê yên kevn piçekî teşqele ye. heta ne piçekî gellekî teşqele ye*

25. ji min re kul û derd e. û ji xendekî re...

ez bawer im, tu tirşikvanek din bala xwe nadê. aniha ji %50ê derbas bûye. lê bi keda 2 kesan gelek hêdî dimeşe. ji ber vê meseleyê nikarim bala xwe bidim aliyên din yên tirşikê. heta nikarim peyam jî binivîsim.

ger ev kategorîzasyon xelas bibe, wê di tirşikê de taybetiyên gelek kêrhatî û xweşik bikevin weşanê.

26. ji min re ne kul û derd e û ez hîn nizanim bê wê çawa çêbibe lê xwezî kategorî li gorî rêza elfibêyê bihatana rêzkirin, ez carinan aciz dibim gava li navên wan digerim.

27. karê ku wek xwarina dendika ye: mirov nikare dev jê berde, heta ku mirov jê nebetile.*

28. xebata ku ger biqediya, niha me dikariya bi saya vê taybetiyê tenê mijarên siyasî yên li tirşikê, ji bo mêvanan û endamên ne-kevin bigirin. mijar û peyamên din wê vekirî bimana.

ne pir dereng e: Here lînkê

29. % 1'ê din jî qediya, ma % 27,98.

30. ji vir û pê de li ser wan nivîskarên mijareke nû vedikin divê bê ferzkirin û bibe xizmeta mecbûrî ya welêt. hey nexwe wekê sîsîfos û kevirê lanetê, em ê dehf bidin ew ê dîsa bizivire bê.

31. niha ji %80ê derbas bûye. jixwe mijarên ku nû tê vekirin piranî tên kategorîzekirin lê dîsa jî dema kategorîzekirin xelas bû, wê di pêvajoya vekirina mijarek nû de kategorîzekirin bibe ferzek.

van rojan gelek kategorîze dikim îşelleh wê di nava çend heftiyan de xelas bibe lê divê tirşikvanên betal jî alîkarî bikin.

32. ma çar hezar û pênsid û tiştek. hindik ma :s

33. bûye pirsgirêka cîhanê kî çûye hatiyemijarek li serê vekiriye * niha 4444 mijar mane rojê hevqas bên kategorîzekirin 5-6 rojande yek namîne

34. ma 3300..

35. bin 2000 ket, ji ku hate ku, ji 30.000î hate giha -2000î. nema nema. xilas.

36. Mesele ye ya rast. Ji ber ku kategoriya mijarekê gorî peyaman e, ne gorî sernav e. Weke mînak "dar" peyv e, bila marangozî be. Lê ez deh roj din bêjim navê straneke filan komê ye yan filmeke tarantlno ye kategorî diguhere. Yekî din rabe bêje bila biçi nizam ku dera erdoxan ve, wî behsa darên geziyê û cerattepeyê nizam çi gotibu jî kategorî dibe siyaset û divê yên ne endam nebînin.

37. mijarên divê em weynin ser 1'î û ji xendekîre bihêlin bira dawî lê bîne *

38. xebata ku hema bêje gihişt dawiyê. %4.9ê mijaran man. îşelleh wê îro an jî sibe xelas bibe. piştî ku xelas bû, em ê taybetiyên nû yên gelek xweşik li tirşikê zêde bikin. ez bawer im ew taybetî jî wê di nava heftiyekê de amade bin.



weke bersiva pira jorîn: di kategorîzasyonê de mirov dikare çend kategoriyan bi hev re hilbijêre. ger di nav peyamên mijarê de behsa kategoriyên din hatibe kirin, wê ew kategorî jî werin bikaranîn.

weke mînak em bêjin mijar "dara hêjîrê" e: wê demê kategoriya wê "nebat" e. lê ger di nav peyamên mijarê de kesekî gotibe "navê pirtûka fîlankes e" wê demê divê mirov kategoriya "pirtûk" jî hilbijêre. ger ev pirtûkek kurdî be, divê kategoroya "kurdî" jî hlbijêre. me heta nha wisa kir.

39. ma 500.dibêm qey wê îro biqede..

40. moderatorekî veşartî niha dumanê lê radike.nêzî 10 heb man.

41. xelas bû ser xêrê. destê herkesî sax be. lê ji kerema xwe re bila êdî herkes dema mijarek vedike, kategoriyan hilbijêre û wisa veke.

42. xebata ku êdî giha armanca xwe, ji îro pê ve herkes dikare mijaran li gorî kategoriyên wan lîste bike; sîstema nû ya tirşikê/93482

43. ji niha pêve mijara vekim kategoriya wî dikim siyaset êdî bese! ez li hemberî mêvanan acisiya xwe nîşan didim *

44. Ketegoriyên ku "pirs'ê nahewîne.
Gelo kategoriya pirs'ê jî lê zêde bibê çawa ye? Ev çend carin ez lê diheyirim.