Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


11 mijar û 12 peyam
qesîda qedexe - tirşik
qesîda qedexe
(0) (0) (1)
di mijarê de bigere

1. helbesta rênas jiyanî.. ez ne şaş bim cara pêşîn sala 1999'an di kovara nûdemê de belav bûye..



berxikên berdûş,

zû ji dergûşên xwe dûr ketin

di çardehsaliyên xwe de

ji çekên çardeh derb çak hez kirin

di bîst û çarsaliyên xwe de

- hê tayekî spî neketibû porê wan

mal şûr,

talde cercûr,

milk şikeft:

û gor şikart hilbijartin

birayên min wisa xweşik mirin,

wisa tahmstran mirin

hûn bibînin

hûn dê ji kêfan bimirin ...



heman ferxik,

di azmûna şerê qiloçan de xwe selmandin

bibûn beran

mîmarên baranan

gorên wan hatin vedan li navenda ewran

simbêlê min îdam dibû,

devê min tije viyolîn

lawijên bi qasî şêraniya mewîjên babîlan min dinehwirand

fırmêskan esman dimeyand

fêris û firêz

bi min re diîskiyan

qebileyên qulingan,

li ser serê min seansên firê dikirin

qidûm nedima ku serê xwe hildim

berberoyên reqas stûşikestî dibûn

distewiyan

mijangên te yên qereçî

guliyên te yên qarmeçî



qelbê te yê qesra qaçaxçiyan kanê? ...



kanî...

miçiqîn



çavên te, mexzenên şeraba sor

nêrîn bi nêrên vedixwim

serxweş im

qera min, qemera min, qedera min

tu nizanî

bi kabên çongên zarokên min bi qumarê dileyîzin

wechê xwe bi gîsinên cot biqelêşim bê feyde ye

ezbenî zebanî

tu jî nizanî

gunehê min

heta gorê hezkirin

katedral û camî bûne cangorî

rûpişkirî ye pira selatê bi ya mala badê

şeytan şehîd ketiye

poem pelixî ye

di bin simên hespên pêxwas de

pêtal diperitîn di tariyê de

rajena min erdhêj hildavê

teqez terikandinek li pey e

giliyên xwe li gulleyan dikim

diya diyalogan delalê

wext e

keserên xwe yên te kesidandiye bibêje

penguen li peravan baskvekirî

duayên avê li ser min dixwînin

ji micewherên mihacir gora beranan ava dikin

yara li ser pûrta singa min diçêriya

sûsika nazenîn,

êdî deyne kokteyla xwe ya kulîlkan

wext e

ji berxikên berdûş re

qesîdeyeke qedexe,

ji piyanoyên miqedes lêdikeve

hemû ba bimbekirî ne

balinde kespik in bi eniya bilûran ve

û her ku navê hestê keser be,

şûrê me, jê re serberjêr e

lewre, bêrî di navbera min û te de bedew e ...



13.07.2013 15:33 | endazer

dengdanên dawîn (yên din..)
rexşê belek [1]
Navê hespê ristemê zal e. Di destanên persan mina şehnameya firdewsî...
pelûl [1]
Diranê feqîran di pelûlê da dişike....
tirşik translate [3]
Mirmirokî:kekremsî Mêrokî:erkeksî Mîrovokî, merivokî: însansi Tirş...
kerguh [3]
Ajalekî şêrîn e Ji bo "taybetmendiyên" wan gotine kerguh. Gu...
pelûl [1]
Ez pir jê hez dikim li jor nivîskar gotiye xwarin û şêraniya pîr û ka...
belki ev jî bala te bikişînin
» qesîda qedexe
» qedexe

Kategoriyên mijarê:: kurdukurdi wejehlbst
nivîskarên ku li vê mijarê nivîsîne


sitemap
reklamokên beredayî